祖兒被Twins踢爆多人追

(星島日報報道)容祖兒前晚在紅館舉行第九場演出，請來了好姊妹Twins及關智斌擔任嘉賓，Twins大爆Joey多人追，只要有心隨時有好歸宿，而關智斌（Kenny）更即場宣布個唱加開一場。

容祖兒演唱會前晚請來了Twins及關智斌作嘉賓，Joey以「重量級女子組合」介紹好姊妹，笑說：「我們一齊長大，經歷的不是你們能夠想像的多，我曾經在她們演唱會上飲大了，上次演唱會好好玩，真係要好信得過、好有親切感、好有歸屬感，才夠膽在台上面飲！」

Joey唱《風箏》請Twins上台，Twins則唱《大紫大紅》，阿Sa即表示有料爆，笑說：「今日其實帶了大禮來畀你（Joey），我想話雖然容祖兒冇乜緋聞，但不要以為她冇人追，真係好多人追佢㗎，今日已經有幾個在場。」阿嬌即反問「你係咪想講日本嗰個？」令Joey不禁嚇一嚇即說：「掩住你們個嘴，冇人想聽我嘅緋聞！」

阿Sa問歌迷會否希望Joey找到好歸宿，現場即時起哄，Joey則笑說：「我真係好龜縮！」阿Sa即介紹她其中一位情人登場：「其中有一個好靚仔，今晚死都要同你唱歌，佢好多腹肌！」隨即Kenny登場唱出《死性不改》。阿Sa笑指Kenny要準備演唱會，要加緊綵排，好姊妹阿嬌亦附和，指Kenny的演唱會賣光所有票，準備加場！Kenny笑言想自己親自宣布，然後便在舞台中間舉起勝利手勢說：「大家好！關智斌Kenny is BORN演唱會o依家正式宣布加場！」祖兒及Twins在旁都好興奮，更齊齊宣布已約定在Kenny的舞台上繼續盡興：「我哋都喺到，有你一定有我哋三個！」

另外，身為Joey歌迷的王灝兒（JW），亦在社交網站貼出舊照撐Joey，她留言說：「呢個係2001年容祖兒嘅隆重登場演唱會，我當時11歲。時間真係過得好快，就咁就18年啦。」而Joey則以驚訝表情作回覆。