杜琪峯話古仔對香港電影出錢出力,很少人這樣做。
杜琪峯話古仔對香港電影出錢出力,很少人這樣做。

ViuTV繼去年跟鮮浪潮合作後,今年再度合作推出《鮮浪潮.語2018》,節目共播出20集,挑選多部來自第12屆鮮浪潮國際短片節的作品為觀眾逐一放送。 杜琪峯感謝ViuTv對鮮浪潮支持及資助,更希望有長遠合作,幫助一些有能力年輕人。問到是否藉鮮浪潮去揀卒?杜琪峯坦言很多新人拍鮮浪潮後已入了行,去年他也看中了好幾位新導演,只不過被人快一步爭了。今年是否會再跟古天樂合作?杜琪峯話在公司經常都撞到古仔,笑言:「依家佢拎咗影帝,要先睇佢會唔會扮嘢加價。(佢有冇扮嘢?)佢可能想扮但唔識扮,大家好多機會合作。(有恭喜他嗎?)有,唔鍾意都會講,人家攞咗你吹咩!好唔好只係各有各講。不過,古仔對香港電影好有貢獻,出錢又出力,好少呢啲人。」 明日(22日)63歲生日的杜琪峯,被問到將怎慶祝?他笑稱沒特別,又不是大環節又未死得,自然地過。會否開派對慶祝?他說:「人多就係派對。」(攝影:譚志光)

《鮮浪潮.語2018》記者會
《鮮浪潮.語2018》記者會