(星島日報報道)電影《洩密者們》前晚舉行首映禮,幾位主角張智霖、佘詩曼及吳鎮宇都有出席,提到電影有不少動作場面時,吳鎮宇稱如果看不到樣貌的動作會交由替身負責,惟如果看到樣貌的鏡頭則會親身上陣,過去曾試過有導演叫他拍跳樓戲,他則說交由替身上陣,隨即被取笑「矜貴咗」,惟之後替身拍攝時拗柴,結果他要做替身的替身、親身上陣。

  張智霖(ChiLam)、佘詩曼及吳鎮宇等前晚出席《洩密者們》首映禮,雖然三人以往曾合作,但吳鎮宇笑言沒有太多碰面機會,只於該片的合作會見吓面,戲中亦有槍戰及飛車戲。問到可會有危險?他說:「危險㗎!但都會有替身,我會戥個替身危險。(不演出危險戲?)我可以做危險戲,見到樣自己做,見唔到就替身做。但啲導演成日o氹,試過一次問我一樓跳落去得唔得?我話跳到,但替身嚟到梗係畀人賺吓錢啦!導演即話你o依家矜貴咗。不過個替身一跳就拗柴,結果我替埋個替身囉。如果係我休息兩個月,佢就實俾老闆鬧,做乜唔見樣都叫我跳。其實我做到好多危險動作,但要見到面口,一樓跳落嚟幾閒呢。」

  吳鎮宇又大爆阿佘和張繼聰有場車戲,又指張繼聰為此而練大隻。問到是否車震戲?阿佘澄清只是追蹤戲,而張繼聰還說希望下次有更多對白,在旁的吳鎮宇搞笑謂:「下一世想同你有多啲對白呀。」ChiLam透露有飛車追逐戲會找替身演出,因為自己駕駛技術不似錢嘉樂,以免害到其他人。

  對於父親節臨近,鎮宇笑言這個世界比較重視母親節,父親只負責賺錢返來過母親節。他說:「我講緊呢個世界的法則,我要開工,母親等緊我,唔係佢會問候佢。」他又爆現年11歲兒子費曼變成肥仔身形又有肚腩,臀部翹起來兼腿長,但不會逼他減肥。

  另外,談到出席薛家燕兒子石耀庭的婚宴場面感動,阿佘笑謂覺得石耀庭好得意,仲好似Baby,雖然現場的賓客有一半不認識,但對方讀宣言未講完已忍不住喊,令她亦眼濕濕。與媽媽同行參與婚宴的她,直言未有被催婚。ChiLam表示因身在上海未能出席石耀庭婚宴感到遺憾,稍後請一對新人吃飯,但看到婚宴的視頻也覺感動。