(星島日報報道)無線新劇《我瞞結婚了》昨日舉行開廠拜神儀式,洪永城跟黃翠如在劇中演夫婦。雖是老拍檔,但翠如乘機投訴洪永城拍攝吵架戲時特別落力,質疑他內藏私人恩怨。她笑說:「以前嗌交(拍攝旅遊節目)普遍都係我贏嘅,因為工作人員都會幫我。今次拍劇就要畀佢贏,真係氣難平。」翠如更大爆曾打電話向唐詩詠投訴,洪永城聞言大為緊張並追問女友如何回應。翠如笑說:「詩詠答:佢係咁㗎啦!」

  問到可有感情戲?洪永城笑說:「暫時拍緊頭10集,斷斷續續有感情戲。」問兩人太熟拍感情戲會否尷尬?翠如即表示同意。但洪永城說:「我反而好容易投入!」翠如笑說:「你繼續講吖!睇吓你瀨唔瀨嘢!」