港男搭的士遺足球鞋 遇好心司機「驚我冇鞋踢波」免費送回！網民：好嘅的士佬真心要讚
2024-11-07 00:00 
的士司機的服務態度不時引起大眾討論，不過凡事都有例外。日前，有網民在社交平台上分享的士司機的「好人好事」，稱早前搭的士時意外遺下足球鞋，由於使用電子支付工具付款，獲好心司機主動聯絡歸還，更表示「仲話會快啲，驚我冇鞋着嚟踢波」，讓事主十分感動。帖子引起網民熱議，有網民大讚的士司機，「好嘅的士佬真心要讚」、「支持好人好事的士佬」。
港男搭的士遺下足球鞋遇好心司機！拒收酬勞免費送回
港男搭的士遺足球鞋 遇好心司機「驚我冇鞋踢波」免費送回 網民：好嘅的士佬真心要讚
的士司機的服務態度不時引起大眾討論。日前，有網民在社交平台上分享的士司機的「好人好事」
事主表示，日前搭的士時他意外遺下足球鞋在的士車廂內，「因為我冇cash（現金），係PayMe俾錢」
於是的士司機透過PayMe聯絡事主，「我係的士司機，今早你們遺留了一對鞋在車，收到message，麻煩聯絡（司機電話號碼），謝謝」
事主遂立即聯絡的士司機，「佢問我喺邊頭」，事主表示自己將會在黃竹坑踢足球
「佢話車翻過嚟俾我，仲話會快啲，驚我冇鞋着嚟踢波，佢喺荃灣一接更就會趕過嚟」
鑑於以往不少的士司機會藉此向失主收取酬勞或車費，事主遂向的士司機查詢送回球鞋要收多少錢
「之後我就問佢要幾錢，因為我對鞋其實都係四百幾蚊，如果太貴就算」
但該的士司機竟然不向事主收取任何費用，「到見面諗住俾翻荃灣去黃竹坑，200蚊佢，佢都急急腳話唔洗，走咗去」
讓事主感嘆「佢係咪Halloween cosplay的士佬咋！」，更表示「一定要開名讚佢」
網民留言： 好嘅的士佬真心要讚
佢真係好好嘅司機！大家記得要call佢！
該司機已列為受保護人類，AA級呵護
支持好人好事的士佬
佢真係一個值得稱讚嘅的士司機，希望佢嘅生意蒸蒸日上
有朋友漏咗部iPhone，全新未拆盒連袋，入屋前先發現，落樓見的士冚旗喺度，司機畀返佢，一蚊都冇收佢
呢啲好嘅的士佬真心要讚下，之前試過跌咗手機喺的士，打咗幾十通電話，個司機聽，話即刻送返畀我...佢空車凌晨送返畀我，仲唔收我錢
近日，有網民在Threads上發文，分享自己在乘搭的士時遇到的好人好事。事主表示，日前外出搭的士，不慎將足球鞋遺留在的士車廂內，「因為我冇cash（現金），係PayMe俾錢」，於是的士司機成功透過PayMe聯絡事主！事主遂立即聯絡的士司機，獲好心司機願意免費由荃灣送到黃竹坑，更表示擔心1事而盡快趕到，讓事主感動直呼「一定要開名讚佢」，即點擊上文圖輯查看詳情！
網民留言：好嘅的士佬真心要讚
帖子引起大量網民留言，有網民大讚該的士司機，「佢真係好好嘅司機！大家記得要call佢！」、「該司機已列為受保護人類，AA級呵護」、「好人好事！可以再PayMe翻佢200」、「呢啲司機買少見少」、「支持好人好事的士佬」、「佢真係一個值得稱讚嘅的士司機，希望佢嘅生意蒸蒸日上」。
同時，有網民分享以往曾遇到的的士司機「好人好事」，「有朋友漏咗部iPhone，全新未拆盒連袋，入屋前先發現，落樓見的士冚旗喺度，司機畀返佢，一蚊都冇收佢」、「呢啲好嘅的士佬真心要讚下，之前試過跌咗手機喺的士，打咗幾十通電話，個司機聽，話即刻送返畀我……佢空車凌晨送返畀我，仲唔收我錢」。
圖片及資料來源：Threads@iamthomastam
文：Y
延伸閱讀：內地女乘機場巴士遇熱心車長 每站停車作一窩心舉動獲讚：溫暖全車乘客！
內地女乘A11機場巴士遇熱心車長 清晨頭班車每站停車作一窩心舉動獲讚：溫暖全車乘客！
攜帶行李搭巴士難免會手忙腳亂，若有人相助必定輕鬆不少。
最近有內地女自己日前於清晨坐上往機場的頭班車，分享乘巴士遇到的好人好事
於小紅書以「巴士阿叔溫暖了全車部乘客」為題發文
留意到每當有乘客上車，不論男女，車長都會主動上前幫忙搬行李。
而且更是逐個巴士站都會離座去幫手，舉動盡顯窩心，溫暖全車乘客。
樓主憶述當時車上不少乘客都大讚司機：「他是一個很負責任的司機、一個很善良的人。」
又寄語：「你值得被所有人見到，生活應該善待每一個用心工作的人，香港有你真美好！」
貼文引來網民留言大讚「人很好誒，不過看起來不像是阿叔啊，看起來像帥哥」
又有人指車長的行為令旅客對香港留下良好印象
「哪裡都有好人，哪裡都有不夠好的人。衷心希望每一位來香港旅遊的內地朋友都能有個美好的記憶，香港歡迎大家！」
關鍵字
最新回應