深水埗均香餅家開心果月餅爆紅！開心果流心餡/忌廉芝士味日賣600個 YouTuber變老字號老闆：食住熱潮！
2024-09-07 00:00 
深水埗45年老字號「均香餅家」主打多款唐餅麵包，每年中秋都會推出傳統月餅，今年大搞新意思，推出開心果月餅隨即爆紅，更日賣逾600個，人氣十足，第二代掌舵人爆江師傅笑指是看準商機，趁著開心果熱潮自創推出創新口味月餅，各位開心果迷不可錯過！
深水埗均香餅家45年老字號結合傳統、創新
位於深水埗北河街的均香餅家已有45年歷史，曾於2021年不敵加租結業，後來選址重開，主打多款傳統唐餅麵包，如南乳雞仔餅、合桃酥、角仔等，每逢中秋就主打傳統應節月餅，如金華火腿、雙黃白蓮蓉、陳皮、伍仁、豆沙等月餅，均是每日人手製造，每年都會吸引不少街坊光顧。
現時均香餅家由第二代掌舵人爆江師傅接手主理，爆江曾是人氣Youtuber，成為餅店老闆後同樣主意多多，接手以來除了保留傳統港式唐餅外，亦不斷推出創新美食以貼合年輕人口味，如開心果角仔、開心果糯米糍等，獲「開心果關注組」成員力推。
均香餅家推兩款口味開心果月餅 日賣600個！
趁住中秋，均香更推出開心果系列月餅，分別為「雙重開心果」以及「開心cheers」，同樣都是每日人手製作。雙重開心果月餅選用美國開心果，打磨成果泥後包入意大利開心果醬，出爐後開心果醬餡料現流心效果，十分吸引，充滿濃郁開心果味，加上夾雜香脆開心果碎，口感豐富！至於開心cheers月餅則加入忌廉芝士，食落除了有濃郁開心果外更帶芝士奶香味。另外亦有「花生友」月餅，以花生泥忌廉芝士包裹流心花生餡，味道神似奶醬多！
被問到選擇開心果為月餅口味的原因，爆江師傅笑指：「因為有商機！」又指「而家好多人鍾意食開心果。」希望乘着今年開心果熱潮引起食客關注。自從均香推出開心果月餅果然大受歡迎，記者於平日早上10時來到餅店，門外都已經開始排起長龍等出爐，現場可見大部份食客都有「柯打」開心果月餅，，連爆江師傅都做到「無停手」，表示均香現時日賣600個，最高峰一日更可賣到800個，每日未到3點已售罄截龍，各位開心果迷不妨一試！
均香餅家
- 地址：深水埗北河街203號
- 營業時間：早上7時 至 晚上10時
- 月餅出爐時間：每日早上10時
- 價錢：（雙重開心果、開心cheers）$45/個；（花生友）$40/個
延伸閱讀：中秋月餅2024｜30大人氣蓮蓉/榴槤冰皮/開心果/奶皇月餅推介 酒店早鳥優惠低至37折
最新回應