大埔燒味店開業數月疑極速結業 網傳月租達$XXXXX 眼利網民搞笑解構結業原因
2024-07-26 00:00 
近年香港興起北上消費熱潮，令本港的餐飲業響起警號，不少店鋪「撐不住」紛紛結業。近日，有網民在社交平台分享一則消息，位於大埔的燒味店疑似即將結業，店家願意免頂手費轉讓。部分網友猜測燒味店是由於租金太貴而決定結業，但有懂風水的眼利網民指出問題所在，更笑稱「第一次見」。
燒味店開業數月疑似結業 網民搞笑分析結業原因
近日，有網民在Facebook群組「全港店舖消息(開張/執笠)關注組(店舖/ 餐廳/ 零售/ 商場/ 小店/ 大集團/ 實體經濟)」，分享大埔疑似有店舖即將結業的消息。事主指出，一間位於大埔的燒味店至今開業只數月，便發現店家在網上尋求接手，「850呎叫價8萬，不要頂手費，現租客做燒鵝」。正當事主感嘆燒味店「做幾個月，就快執笠」時，眼利的他卻發現問題所在，點擊圖輯看完整經過！
網民爭論結業原因 風水問題VS租金太貴
對於財神像的擺放方位，有網友留言，「當財神爺係招財貓？」、「新派野啦！睇神當企街吸客」、「邊有人做生意財神向街㗎？咁想對面舖發達？」、「神仙難救」、「老闆，亂咁嚟」、「向門囗，送財富走」。
但大部分網民認為結業的根本原因是租金太貴，「成8萬銀租」、「呢類舊區點解可以要8萬蚊租？點樣計到條數出嚟呀！」、「最致命的地方，就是租太貴，脫離現實，執笠未必代表冇生意，賺來都唔夠交租，先至係大問題」、「觀塘區紅茶都要執就係例子，午市爆人都搞唔掂」、「8萬係好難頂呢個市道」。
有網民補充該店鋪已經轉手多次，「呢個今年第三次轉手！年初棋哥燒鵝之後，做滷水鵝，在到今次燒鵝」，加上人流不多，附近又有同類型店鋪，導致生意難做，「呢個位其實冇乜人流，D人落車會行去公園仔，唔會行呢邊」、「轉彎開咗間超人燒味，成日排長龍，咪加速佢嘅完結」。
同場加映：鼎王麻辣鍋尖沙咀店結業！攻港5年宣布全線撤出？全球首間海外分店紅極一時 附2大結業優惠
最新回應