茶餐廳拒收5毫子？港男寸嘴鬧店家「犯法」 揚言要報警處理 反遭網民一面倒批野蠻

香港飲食業界的服務態度一直是港人熱議的話題，不時看到網民於網上分享不愉快的用餐經歷。最近，有港男於網上群組分享早前光顧位於九龍灣一間冰室，打算結帳時，本來想以5毫子付款，惟負責收銀的店員明言餐廳拒絕收取毫子。男事主不滿店家拒收毫子的做法，表明「你拒收係犯法」，更揚言報警處理，後來再在網上發文「公審」餐廳，惟網民毫不賣賬更反嘲男事主「濫用貨幣條例」。

港男怒轟九龍灣冰室拒收5毫 直言犯法欲報警處理

點擊睇港男不滿冰室拒收5毫子引爭執：

點擊睇港男不滿冰室拒收5毫子硬幣

香港飲食業界的服務態度一向備受港人及遊客討論

不時於網上看到網民分享不愉快的用餐經歷

一位港男於網上群組分享，他早前光顧九龍灣一間冰室，因付款問題與收銀店員起爭執

事緣男事主於冰室用餐，最後埋單$55

他於收銀處以一張$50紙幣，加上2個$2硬幣及2個5毫子硬幣付款

惟收銀店員表示不收取5毫子，男事主回應「我畀兩個五毫子都唔收」

男事主形客收銀店員理直氣壯指住前方的告示，表示不收取毫子

男事主當場反映5毫子為香港法定貨幣，店方不能拒收，否則他會報警處理

他質疑店方貼出拒收毫子告示，僅以寥寥數語便可以拒收毫子

最後收銀店員收取2個5毫子，表明「今次收你，下次唔收」

男事主因此再向收銀店員重申，「5毫子係香港法定貨幣 你拒收係犯法」

出於今次事件，男事主認為難怪港人北上消費飲食，「服務態度好，又平又抵食」

為咗$0.5x2浪費警力，仲好出post，咩人來？

唔好怪香港服務業態度差無耐性，日日對住呢啲西客挑機，簡直真係一種折磨，再高嘅EQ都會被消耗殆盡

間茶記寫明唔收五毫，樓主選擇幫趁但又要玩嘢，真係得意

間茶記寫明唔收五毫，樓主選擇幫趁但又要玩嘢，真係得意

雞毛蒜皮既事又話要報警 香港警察多得你唔小

係依塊板都唔知講左幾多次，唔好濫用貨幣條例，啲阿姐唔識野先俾你地大到

錢俾足，便可離開，你唔收係你嘅事，不用理會佢寫什麼

其實唔使理佢收唔收，只要俾出真銀紙就可以，食嘢後俾足錢就冇問題

若果唔係銀行收毫子要收手續費嘅，查實好好多食肆都會收毫子嘅！

其實舖頭有權唔收，佢係唔收毫子，唔係唔收現金

其實做人真係要將心俾己。你去餐廳食野，人地找兩個五亳子俾你。你會吾會X面先

咁人地寫到明, 你硬係要挑戰人地做乜謂呢？

香港真係無法例規定一定要收

反正樓主都自創法例，使乜報警，自己拉人咪算

一位港男早前到九龍灣一間冰室食晚飯，最後結帳總數為$55。當男事主前往收銀處欲以一張$50紙幣、2個$2硬幣及2個5毫子硬幣付款時，卻被收銀員表示拒收毫子。男事主質疑為何不收取5毫子，他形容收銀店員「理直氣壯」指向收銀處前方的告示，表示不收取毫子。男事主當場反映5毫子為香港法定貨幣，店方不能拒收，否則他會報警處理。點擊圖輯看完整事發經過及結局。男事主慨嘆難怪港人多北上消費飲食，「服務態度好，又平又抵食」，認為香港小店以現時的服務態度難自救，「點救呀？ 自食其果！」

網民反嘲男事主濫用貨幣條例

對於男事主多番強調店家拒收毫子是犯法之舉，更以此作理據與收銀店員理論，網民大多不賣賬，更反轟男事主「野蠻處事態度」。不少網民表示店家有權不收取硬幣，更直言男事主「有心玩嘢」，「淨係識用野蠻嘅處事態度」、「唔好濫用貨幣條例，啲阿姐唔識野先俾你地大到」、「香港真係無法例規定一定要收」。有網民則站在男事主一方，認為毋須理會店方收取毫子與否，只要付出足夠金額便可，「食嘢後俾足錢就冇問題」，到底店方拒收硬幣是否犯法呢？

其實，根據香港法例454章《硬幣條例》第2(1)條，面額不少於$1的硬幣，所支付的款額不可超逾$100；面額少於$1則不可支付超過$2。惟法例沒有規限店舖接受或拒絕這些硬幣，亦沒有條文說明就拒收的店舖有何罰則，換言之店舖有權拒絕收取。若雙方對拒收貨幣付款有所爭執，警方以「糾紛」案件作處理，協助調解。

資料及圖片來源：香港茶餐廳及美食關注組@Facebook

延伸閱讀：自稱香港學生光顧旺角居酒屋力數3宗罪 無客仍限時／沒講明含「低消」 食客自攜飲品要收＄XX開瓶費？！

點擊睇 光顧旺角居酒屋 力數3宗罪！

香港餐飲業正值低迷時期

不少餐廳面臨倒閉危機

有港人盡量支持香港本地餐廳

未料卻換來不愉快的餐飲體驗

事主：呢間嘢真係差到無嘢講，貪錢到不得了，服務質素又差。

自稱是學生的事主早前與朋友光顧旺角彌敦道一間居酒屋

當時店舖沒有很多客人

事主：剩係得一枱客，仲有好多位。

惟老闆依然第一時間向事主與朋友提出限時用餐的要求

事主：同我哋講淨係可以坐個半鐘。佢哋客人咁少，需唔需要咁慳皮咁快趕我哋走。

自稱香港學生光顧旺角居酒屋力數3宗罪（圖片來源：FB@飲食黑店大全 ）

自稱香港學生光顧旺角居酒屋力數3宗罪（圖片來源：FB@飲食黑店大全 ）

事主第二樣控訴店方 沒有一早講明最低消費

事主：逼客人嗌嘢飲！

事主本來點了大概$80的食物

事主表示自己是學生 「冇乜錢」

店員隔一段時間後，見事主 仍未叫飲品

事主：店員好唔客氣咁同我哋講要最低消費$90，一定要嗌嘢飲。

事主因店員未有一早提及 最低消費而感到無奈

事主：店員催我哋嗌嘢飲嘅態度實在太差。

事主因店員未有一早提及 最低消費而感到無奈（圖片來源：FB@飲食黑店大全 ）

在店員表明最低消費之前，事主自攜了樽裝烏龍茶在店內喝

未料店員竟然向事主要求要 收$50開瓶費

事主：獅子開口，你話開紅酒香檳就合理啫。

事主：嚇到後來連攞紙巾都要喺枱底偷偷俾Friend，驚佢哋又收埋啲奇怪錢。

事主奉勸其他網民不要光顧這間居酒屋，以免中伏。

事主奉勸其他網民不要光顧這間居酒屋，以免中伏。（圖片來源：FB@飲食黑店大全 ）

帖文一出，引起網民熱烈回應

網民：見d 舖臨執前都係咁。

網民：其實唔可以帶出面買d 嘢入去飲我覺得好正常。而居酒屋又係好正常一入去就要叫嘢飲，呢個唔會唔知掛。

網民：你自己帶飲品去人餐廳飲都唔合理吖。

網民：唔飲嘢就唔好去居酒屋啦！

網民：烏龍茶開瓶費好好笑。

網民：宜家香港啲食肆發窮惡。

網民：其實你點解去之前唔問吓人哋可唔可以帶烏龍茶入去飲？

網民：現在啲鋪頭好似專宰學生，貪佢哋唔出聲，大人一早報咗警玩大佢。

網民：係香港食呢啲居酒屋係最傻，規矩價錢學足日本，但服務、食物、環境係茶記。

-----