馬鞍山茶記寸爆拒收5毫子 Ben Sir歐陽偉豪一句KO店員網民齊聲讚好：神回覆法例有否規定必須收毫子？

2024-06-12 00:00

香港飲食業界的服務態度一直為港人所討論，不時看到網民於網上分享不愉快的用餐經歷，就連香港中文大學前高級講師「Ben Sir」歐陽偉豪亦不例外。「Ben Sir」近日於網上分享他於20年前曾光顧馬鞍山一間茶餐廳，他於付款時夾雜5毫子，惟店員拒絕收取。開始憤怒的「Ben Sir」一句絕妙回應解決事件，獲網民大讚：「又學到嘢！」

馬鞍山茶記拒收5毫子「Ben Sir」神回覆一句KO店員

點擊睇「Ben Sir」神回應拒收毫子店員：

點擊睇Ben Sir神回應拒收毫子茶記店員

香港飲食業界的服務一向備受港人及遊客討論

不時於網上看到網民分享不愉快的用餐經歷

中大前高級講師「Ben Sir」歐陽偉豪近日同樣在網上分享，他曾光顧馬鞍山茶記的經過

該間茶餐廳由入座起限定用餐時間為90分鐘，「Ben Sir」表示尚能容忍這規定，全因他付款遇到令他更憤怒的事情

當他付款時當中夾雜了5毫子，惟店員表示「我哋唔收5毫」

「Ben Sir」不解為何「畀足晒錢」仍被拒收，店員再次強調「寫明唔收5毫」

當時「Ben Sir」已有怒氣，回應一句「我冇揀你啲嘢食，你做乜揀我啲錢？」

他這一句讓店員不知如何應對，「佢冇聲出」，其後另一個店員打圓場，表示：「算喇算喇」

「Ben Sir」的回應讓網民大力讚好，直言：「其實只要俾齊直接走，佢都吹你唔漲」

都係錢，點解唔收？

我試過，最燥底係佢個餐要$28.5, 但餐廳唔收5毫，咁即係點？

沒有無原無故的衰落

有次我在啟田街市，叫佢報警先肯收我兩個五毫子

餐廳：毫子唔收，但會找毫子俾你

夠膽死佢唔收毫子，但佢可以找贖比你

「Ben Sir」近日於網上分享自己20年前光顧一間馬鞍山茶記的不愉快經歷，店舖限定用餐時間為90分鐘，他直言尚且能夠忍受，惟店舖拒收毫子硬幣付款令他難以忍受，詳情可參閱上文圖輯。網民齊齊讚好「Ben Sir」的應對，並批評茶記的做法，「夠膽死佢唔收毫子，但佢可以找贖比你」、「沒有無原無故的衰落」、「都係錢，點解唔收？」。有網民分享自己同樣遇過類似的經歷，「最燥底係佢個餐要$28.5, 但餐廳唔收5毫」、「有次我在啟田街市，叫佢報警先肯收我兩個五毫子」；亦有網民笑指「Ben Sir」記仇：「20年前的事你都仲記住？」

有網民留言回應表示店家不能拒收不超過$2面額的硬幣，否則即觸犯法例。根據香港法例454章《硬幣條例》第2(1)條，面額不少於$1的硬幣，所支付的款額不可超逾$100；面額少於$1則不可支付超過$2。惟法例沒有規限店舖接受或拒絕這些硬幣，亦沒有條文說明就拒收的店舖有何罰則，換言之店舖有權拒絕收取。若雙方對拒收貨幣付款有所爭執，警方以「糾紛」案件作處理，協助調解。

資料及圖片來源：Benjamin Au Yeung@Facebook