連鎖快餐店「激薄」西多士超驚人食客親自量厚度只有XX毫米苦笑大推「皮薄餡靚」黃傑龍以1行動為同行平反？

2024-04-20 00:00

西多士配炸髀是常見的下午茶配搭，尤其是厚炸西多士配糖漿及花生醬，非常飽肚！不過，最近網民在網上群組分享的西多士似乎未必夠食，該位網民稱早前光顧連鎖快餐店，買雞髀及西多士做下午茶，惟西多士的「激薄」程度令他大開眼界，更取出拉尺量度厚度，搞笑反嘲：「皮薄餡靚」。事件連日來遭網民熱議，令敘福樓集團主席黃傑龍亦忍不住加入討論，以1行動為同行平反！

港男光顧連鎖快餐店驚見「激薄」西多士

點擊睇超薄西多士厚度僅得XX毫米：

點擊睇超薄西多士僅得XXmm厚

西多士配炸髀是港人日常的下午茶之一

厚炸西多士配上糖漿與花生醬相當飽肚

不過一位港男早前光顧一間連鎖快餐店

卻發現自己點餐的西多士有別於日常西多士，厚度更為薄切

使他取出拉尺量度

發現竟然只有大約0.5mm厚

顯然比正常西多士薄了不少

無奈的他只能苦笑表示「好食」

更大推給廣大網民，力讚「皮薄餡靚」

最後更不忘補上一句「唔記得配糖漿」

有網民分享曾光顧同一間快餐店，表示又薄又凍無花生醬，只得包裝版煉奶及糖包

肚餓想「醫肚」時，遇到未必夠飽的餐點，有時也頗為無奈。一位港男到快餐店點了西多士，卻發現西多士變了「西多紙」，皆因這片西多士比起常見的西多士更為薄切，離譜程度更令男事主即場拿出拉尺量度，發現厚度竟然大約只有0.5毫米，且未見有花生醬餡料，猶如「薄罉」、「腐皮」一樣。男事主只好苦笑表示好味，更向一眾網民力推，引來其他網民分享光顧同一間快餐店西多士的經歷，表示「又薄又凍無花生醬」，似乎甚為不滿。

網民回應「西多紙」表示同情笑嘲：難度分好高！

點擊睇網民回應激薄西多士

有無可能一塊厚方包，一開四盡顯刀功呢？

食飯都有把拉尺咁堅

自己按扁再影相

佢其實係……薄罉

係炸一塊雲吞皮？

漏咗氣姐，打番漲佢

面包都可以切到咁薄，有誠意

用心良苦～突顯隻雞髀嘅厚

點解你肯收貨，仲拎埋返位影相?

有料有機上必比登

我覺得您心地好好，辛辛苦苦都搵最厚的地方度，你應該好比心機睇曬4條邊

點解技術咁好，究竟要咩技巧先可以整到咁

樓主係唔係做裝修？點解會隨時都有把拉尺

好刀功！

難度分好高

欣賞你帶埋拉尺去食飯

西多炸唔起，廚房問題

而家牛角包都興壓扁黎食，可能佢跟潮流啫

鬼叫你哋成日話人厚多士咩！

腐皮炸得好靚

要做到咁都唔容易㗎

叫咩西多士呀叫西薄片

厚過一蚊銀

見到這片「超薄」西多士，大部份網民都哭笑不得，更將之稱為「西多紙」，喻意如紙一般薄的厚度。有網民錯重點，欣賞男事主吃飯也帶拉尺，紛紛推測他的工作與建造業或裝修有關；亦有網民笑指要將一片麵包切至如此厚度亦不容易，「難度分好高」、「好刀功！」、「用心良苦，突顯隻雞髀嘅厚」、「佢其實係……薄罉」。搞笑之餘，有網民認真表示原因或出於炸不起西多士，應該是廚房的問題，「點解你肯收貨，仲拎埋返位影相？」，認為負責出餐員工見狀應該送回廚房重新烹調，並非交貨予客人。

黃傑龍以1行動為同行平反獲網民大讚

「西多紙」事件在網上鬧得沸沸揚揚，一向敢言又對網絡熱話反應極快的叙福樓主席黃傑龍（Simon）亦加入戰團。他昨日（19日）就在個人 Facebook 專頁刊出數張相片，分享他光顧同一間快餐店西多士配炸髀套餐的體驗。相片中的西多士厚度正常，外觀看來炸得金黃香脆。他亦附上單據，顯示套餐連一杯大紅豆冰只需 $46，引來網民留言大讚抵食。

黃傑龍在帖文中配上「做人最緊要有堅持，永不放棄」字句，並大讚西多士好味，以實際行動支持飲食業同行。他的正面舉動獲得不少網民支持，有網民大讚「黃老闆以實際行動支持返本地飲食業，發放番正能量，非常好」，亦有網民指「其實這間快餐店不算差」、「佢豬扒包、奶油豬都唔錯」。