荃灣新開平價飯堂$38起任食早午餐！粥品／蒸點／小炒／湯水任飲任食 網民實測有咩評價？

近期香港經濟環境低迷，市面掀起一股結業潮，部份食肆以奇招吸客，包括推出$10叉燒飯、$20炸髀飯，盼助市民減輕生活負擔外，亦希望可以力谷營業額。最近有網民於網上群組分享荃灣工廈一間新開張的飯堂，只需$38或$58即可任食早、午餐，引起一波熱烈討論。

荃灣工廈新開平價飯堂 $38起任食早午餐掀熱議

點擊睇荃灣新開平價任食飯堂：

點擊睇荃灣工廈新開平價任食飯堂

香港物價高漲，經營環境困難

不少店舖、食肆先後結業

網上更出現群組關注全港店舖結業的情況

部份食肆突圍自救，推出不同激抵食品吸客

希望力谷營業額之餘，亦為市民、街坊減輕生活負擔

近日有網民於網上群組分享荃灣工廈新開的飯堂

店面擺滿不同祝賀花牌，飯堂似乎是最近才正式開張，網上亦未找到詳細資料

這間「西灣香飯堂」標榜任食早餐及午餐，跟餐更可以暢飲楊梅青檸、生椰奶茶、咖啡、豆漿等飲品

任食早餐只需$38，可以享用豬骨髮菜粥

還有各款炒飯、炒麵

蒸點亦有港人喜愛的叉燒包、奶黃包、蝦仁燒賣、冬菇雞燒賣及餃子等

任食午餐僅付$58，可以任食主食包括白飯、炒飯、炒河粉

各式小炒、蒸菜及任飲豬骨湯

還可任食潮式滷水如豬手、腩肉、豬大腸等

看似非常經濟實惠

有網民在社交平台分享一間名叫「西灣香飯堂」的新餐廳，店名讓網民摸不着頭腦，起初猜測位置於小西灣或西灣河，直至後來有其他網民分享，原來餐廳位於荃灣大涌道的工廈地下。據照片所見，店面擺滿不同祝賀花牌，似乎最近才正式開張，網上亦未見有詳細資料。

餐廳門口寫上「早餐任食」及「午餐任食」字眼，收費分別為$38及$58。早餐供應的餐點多為港人常見的粥品、炒河粉、各款包點及蒸點。至於午餐方面，供應任飲豬骨湯，任食白飯、炒飯等，加上潮式滷水及小炒蒸菜任君選擇，跟餐更可以暢飲楊梅青檸、生椰奶茶、咖啡、新鮮豆漿等飲品。

網民慨嘆市道差「做到咁，好難得」 打工仔實試評價如何？

點擊睇網民回應任食早午餐

工業區，應該最好生意係12:00-3:00呢段時間，KEEP到兩餸飯既質素應該可以，但成本唔平

只分享，冇勇氣試住……

俾你任食，食得幾多

38早餐任食🙄

試試佢都冇妨

一份錢一份貨，某D店做過，多數執

一係遲D加價，一係執笠

都係兩餸飯抵食d

我想知有幾任食

搞到香港個市咁，遲早玩完！

睇到個咁嘅名都冇晒胃口

為咗生存，真係甚麼都可以

食得58元任食，仲要有要求，食飽就算

新開張做旺個市先

做到咁，好難得

其實真係殺到埋身，今時今日餐廳求存唯有靠自己

對於有食肆經營平價任食飯堂，不少網民大感驚訝，認為「做到咁，好難得」、「其實真係殺到埋身，今時今日餐廳求存唯有靠自己」。惟有網民並不看好前景，便宜定價最終只會加價或結業收場。有在餐廳附近上班的網民日前已經一試，他分享用餐模式如自助餐，「你岀去攞餸攞飯」，惟他認為食物質素一般，仍有待提升；有細閱餐單的網民覺得菜式難勾起食慾，「糯米燒賣」、「辣椒炒肉」等點心小炒亦甚為罕見，需要再觀望才決定光顧。

西灣香飯堂

• 地址：荃灣大涌道荃運工業中心2期地下
• 早餐：早上7時至11時30分
• 午餐：早上11時30分至下午3時

延伸閱讀：筲箕灣東大街新釗記蛋撻只賣$X/個 可能係全港最平蛋撻？網民大讚：仲有咁良心商店！

點擊睇新釗記烘焙超抵價蛋撻

香港物價高企，有時在茶記用餐動輒逾$60

今時今日要價廉物美地「醫肚」亦不容易

不過有網民竟然發現筲箕灣有烘焙店賣超抵價蛋撻

蛋撻是港人喜愛的茶記食品

現在要找到激抵價的蛋撻亦有難度

筲箕灣東大街電車總站旁的新釗記烘焙，竟然賣$3一個牛油皮蛋撻

令網民驚訝不已

新鮮出爐的蛋撻熱騰騰，有蛋香夠滑溜

牛油皮蛋撻大受歡迎

連酥皮都只賣$7一個

賣相亦佳

買齊兩款口味只是$10，可以照顧牛油皮及酥皮口味的人士

 

------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ