港女網友狠評3大香港獨有飲食文化？！齊人先入座/限時食飯/XXX惹熱議：多規矩因為太多X客！
2023-08-22 00:00 
近日有網友開帖文批評香港獨有飲食文化，發表長文不解 3 大香港獨有飲食文化，包括齊人先可以入座、限時食飯及餐台沒有紙巾。帖文一出便惹網民熱議，更有人留言表示：多規矩因為太多X客！即看網友為何如此批評香港飲食文化、其他網民又有什麼回應？
港女網友狠評3大香港獨有飲食文化？！
點擊睇 網友評論 香港獨有飲食文化？
發文者：呢三樣文化係香港獨有，你出國旅行玩都唔會遇到，即使返深圳都唔會有人咁對食客。
飲食文化一：齊人先可以入座
一班朋友出去食飯，早到早拎位，有時行街行到攰想入去坐住等，但香港食飯一定要齊腳先可以入，好多時差一個都唔比你。
講到尾都係班老細驚死你2個人坐4人枱/ 4個人坐6人枱，機會成本下蝕咗張6人枱出去。
發文者：我未喺香港以外嘅地方遇過呢啲事囉。
飲食文化二：限時食飯，食飽就要走
發文者：香港人做野好快、好急，遲一秒都唔得。老細做晚市最少要做兩轉枱，(以前三轉)，限時90分鐘，食唔哂都要走。
發文者：90分鐘冇可能夠, 頭1個鐘係落單食飯, 尾2個鐘係吹水飲酒聚舊, 而家得90分鐘點會夠。
發文者：未食飽未夠候就要起身, 未講完, 再收你加一。
發文者：香港人亦好醒目, 佢唔係趕你走, 只係話比你知你係霸緊下一手張枱, 用群眾壓力令你走。
飲食文化三：餐枱無紙巾
發文者：第三, 唔洗再講啦, 都係慳皮表現, 點會有餐廳無紙巾。
有網友在Facebook群組「飲食黑店大全 (全港食店質素關注組)」開帖文評香港獨有飲食文化（圖片來源：Facebook@飲食黑店大全 (全港食店質素關注組)）
近日有網友在Facebook群組「飲食黑店大全 (全港食店質素關注組)」開帖文，向網民發問，「如果要大家選香港獨有嘅飲食業文化，你哋會點揀？」答案有三個選擇：
- 第一：齊人先可以入座
- 第二：限時食飯，食飽就要走
- 第三：餐台無紙巾
帖文看似在收集意見，但發帖者在下文以大篇幅文字批評這三項「飲食文化」，認為這些香港獨有飲食文化現象的出現是因為香港老闆凡事「賺到盡」、香港人做野好急，遲一秒都唔得、以及餐廳「慳皮」（即節省資源）的緣故。更指該三項飲食文化是「港資獨有文化」，即使去外國旅行，甚至到深圳也不會有餐廳如此對待食客，結果惹來熱議。
惹網民熱議：多規矩因為太多X客！
點擊睇 香港獨有飲食文化 網民熱議
網民回應：啱啱係日本翻緊香港 食幾間都限90~120分鐘
網民回應：不如你做老細試下？
網民回應：送客！
網民回應：源頭都係租貴，應該罵業主及政府。
網民回應：究竟你幾無知至會覺得係香港獨有？
網民回應：多規矩因為太多X客！
網民回應：唔好出街食！
網民回應：如沒有以上規則，餐價應是現時的2倍以上。
網民回應：我支持樓主睇法。 香港服務態度非常惡劣，擺明趕客。
網民回應：租貴人工貴，打到平手都已經好好
網民回應：你係X客，完！
對於發帖者的批評，大多網民都抱持不同意的觀點，認為有此言論正正代表發帖者是個麻煩客人。網民表示：「多規矩因為太多X客」、「不如你做老細試下」、「源頭都係租貴，應該罵業主及政府」。亦有網民給發帖者三個建議：
- 第一：「妳去啲好高級嘅餐廳食飯，比一般餐廳貴3至4倍嘅應該可以合妳心意」
- 第二：「妳坐多幾個站上大陸食，妳會發覺都係咁上下」
- 第三：「唔好出街食」
同時間，都有少數支持發帖者的網民，認同香港服務態度非常惡劣，「擺明趕客」。
延伸閱讀：太古城餐廳「1歲BB」要收茶錢！奇葩理由惹議 網民：為幾蚊竟可咁短視｜Juicy叮
太古城餐廳收「1歲BB」茶錢 理由居然係咁...
有港媽到太古城康怡一間餐廳用膳，她抱1歲女兒與3名大人同行。
換言之，一行5人，4大(大人)1小(BB)。
港媽向侍應表示要4人梳化位。
但是餐廳安排她們坐5人位，「佢(侍應)叫我坐5人梳化位，舒服啲。」
到埋單時，港媽發現餐廳「竟然收5個人茶錢」。
港媽在帖文中展示收據，茶錢部分標示5人，總共被收30元。
到埋單時，港媽發現餐廳「竟然收5個人茶錢」。
換言之，每位茶錢6元，1歲BB亦被收6元茶錢。
港媽坦言，茶錢只是6元，她並不介意金額，不滿的是1歲BB被收茶錢的合理性。
「唔係幾錢嘅問題，係我唔明點解呀B咁細個，都要佢錢嘅問題。」
而且，BB個位的餐具入座時被侍應收走，她們「入去時又唔一早講定，要到畀錢時先咁講。」
再加上「我個女無用過/食過任何佢哋嘅嘢」，覺得有關餐廳做法非常不合理。
港媽向侍應查詢，侍應解釋1歲BB被收茶錢，「佢（侍應）答我因為我坐咗係5人枱。」
港媽認為餐廳要收1歲BB茶錢的理由，相當不合理，綜合理由有三：
（1）BB「無用過/食過任何佢哋嘅嘢」
（2）是侍應將她們要求4人枱，改到坐在5人枱。
（3）BB個位的餐具入座時，即被侍應收走。
不少網民認同事主所言，認為餐廳收BB茶錢不合理。
網民：「為咗六蚊，一間食店真係可以幾短視。」
網民：「茶具都收走咗，點解仲可以計茶錢。」
不過，有網民則認為BB始終佔座位，收費無可厚非。
網民：「佔到人位就要計埋茶位係合理」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
關鍵字
最新回應