黃秉華 - 愛祖國不用國貨 華為轉投電動車 | 創科時代
2023-06-30 00:00 
跟大家分享一件趣事，反映電動車已經成為生活和文化主題。
話說有位同事對「中國製造」有偏好，近日不同場合都大談國產電動車有幾威水，還要上網找到內地車主留言，對某領先牌子電動車的正面評價，「喂，你哋如果有興趣，不如去元朗搵嗰間車行試車啦。」我告訴同事，上月去過中山參觀過不同電動車，但沒有機會試駕，於是有人問︰「你會唔會買國產電動車？」其實要我回答的話，可能會引起大家誤會，事關我有兩個考慮︰如果我有閒錢又想買電動車，在香港一定選擇歐洲名牌，因為價錢都OK，貴少少啫，但係有型好多，這是關乎香港的潮流時尚仍以歐陸品牌為主。
第二個答案︰我要在大灣區生活，無論係現在還是未來，我一定買國產電動車，事關性價比高，在內地買歐洲電動車好貴，雖然同樣可以好威水，之不過，我在內地又何須如此虛榮？最緊要維修方便又便宜，我必然「愛祖國用國貨」。
大家聽完我真情表白之後，招來一片噓聲︰「你咁Pro中國，點解唔買國產電動車？你唔愛國！」我笑了一笑，幾年前，華為手機被美國制裁，好多人呼籲不買iPhone，換機都要換華為，殊不知華為老闆任正非接受訪問時，叫大家不要「盲目」愛國，因為任正非細女都係用iPhone，愛國不需要如此膚淺。當時我覺得好奇怪，好難搵到一個如此客觀和淡定的老闆，後來才明白真相。
華為手機被美國及西方國家制裁到體無完膚，華為及時業務轉型，不動聲色研製電動車系統設備，手機值幾多錢？哈哈哈！
文：黃秉華
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應