李辰安 - 同超哥飲廣州茶｜辰來之筆

香港富豪人數原本跌出世界十大龍虎榜，不過，去年數字已經反彈，值得飲杯。

 

特首李家超和廣州市市長相約到一家具嶺南園林特色的酒家飲早茶。

特首李家超和廣州市市長相約到一家具嶺南園林特色的酒家飲早茶。

廣州美食何其多。

廣州的水上茶居。

坐高鐵可到大灣區各地遊覽。

廣州一家具嶺南園林特色的粵菜酒家。

到廣州可品嘗地道點心。

廣州的露天酒家極具特色。

廣州食肆各有馳名美食。

顧客在廣州美食園排隊購買廣州老字號產品。

移民最怕悶 北上湊熱鬧

大師兄話︰「安仔，香港係來去自由，有錢人無國界，邊度好着數去邊度，做乜大驚小怪啫！」大家去到中環小酒館，好開心講中年人唱歌有出頭機會，問下幾時夾Band。不過，我好想話大師兄九唔搭八，點解呢？事關香港有錢人移晒民，你估係好事咩，起碼海景十萬蚊一呎啲靚盤賣唔郁，香港點安定繁榮？不過，我無出聲，只係話︰「係囉，香港有咁多機會，大家又點捨得走，幾十歲攞冠軍，唱到一百歲，呢個就係香港。」

張翁接口︰「我好多有錢朋友，得閒都會攞個外國國籍，移民呢家嘢，港英時代已經慣見尋常，又點算新聞？」移民，我諗起「哥哥」（張國榮）當年急流引退，響應當時世界時興約30歲就退休過自由自在日子之潮流，「『哥哥』選擇去加拿大居住，第一個星期見到青山綠水，又有飛鳥、小鹿行過，感覺異常興奮，因為香港只會見到人同人，對面係樓同樓，如是者，一日過一日，一星期過一星期，過多幾個月，『哥哥』頂唔順，又係有鹿有鳥有山水，點解唔見人，點解有人都唔開Party。『哥哥』回港之後，重新投入工作，30歲後退休不是想像中美滿。」大師兄講，十八區歌神都想過去加拿大，後來都係打消呢個念頭。銀行偉問大家有無興趣上廣州。「搭高鐵上廣州好方便，不過票務繁忙，唔係咁易買到飛。」

「『校長』同『我至叻』，加埋B哥哥成班人都去廣州蒲，拍片擺上社交平台，真係好熱鬧。」廣州好旺好多人，香港都夠多人啦，去廣州有乜好玩？唔通學超哥咁，返上去同班鄉里飲早茶？「安仔，你都九唔搭八，你去廣州有阿水識你？」所以不如大家約埋上廣州，一齊去法國總統走過之松園，聽下高山流水。「世侄，廣州歡迎你，國家提倡與民同樂，你有咁高雅興，一定可以實現。」
 

坐高鐵遊覽 大把好嘢食
 

係啦，十八區歌神點解唔考慮去廣州住，天河區豪宅好啱你身分，更何況去嗰度開演唱會，勁過紅館啦。「我都係鍾意小城風光，去中山、佛山好OK噃。我有朋友最近去過澳門，當地人山人海，不過，搵食始知非舊時味，似乎有少少失望。」無問題，行過去大灣區大把好嘢食。「安仔，我想溫馨提示你，香港同澳門都係大灣區。」明白，所以大家都係大灣區人，幾時返鄉下？

聽講去潮州玩亦係好選擇，因為潮州都係高鐵旅行熱點，去飲下潮州茶，行下美食街，咁又一日，幾時一齊去？「疫情過後，去邊都得啦，去遠啲，不如Plan去上海、杭州。」正所謂吹水唔抹嘴，大家約咗咁耐，都未去過中山、珠海，依家又話去廣州、潮州，真係無你咁好氣，不如飲杯德國啤酒先。

新加坡依家富豪人數多過香港，香港係咪好失威？「世侄，新加坡好悶蛋，天氣又熱，有錢人過去做生意無問題，要有生活享受，都係去香港，我識得好多朋友，幾十年都係咁講，香港好過新加坡。不過，後生仔就話東京好，又有拉麵食，香港無咁正宗。」

講開移民，我想講最好都係大灣區，樓又平，又可以講廣東話，不時亦有香港歌星上去開演唱會，你話幾好。「安仔，去大灣區住唔係移民，乜你係外國人咩？」大師兄，你都好幽默，我敬你一杯，幾時去大灣區睇樓盤，一齊去啦。

 

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ