李辰安 - 殺你一半訂金｜辰來之筆

有兩位老人家的愛情生活受到國際關注，作為小市民覺得，呢啲先至係世界新聞，成日都講俄烏戰事、美國加息……
 

原本梅鐸計畫結第五次婚，不過有消息傳出叫停。

原本梅鐸計畫結第五次婚，不過有消息傳出叫停。

梅鐸和美國前總統特朗普關係友好。

美國前總統特朗普最近惹上官非。

美國前總統特朗普最近惹上官非。

傳媒大亨梅鐸已92歲。

傳媒大亨梅鐸已92歲。

2016年，傳媒大亨梅鐸與第四任妻子霍爾在英國倫敦舉行婚禮。

上年，傳媒大亨梅鐸與第四任妻子霍爾離婚。

傳媒大亨梅鐸與第三任妻子鄧文迪。

侵侵桃花運強 後果嚴重

近日天氣轉為陰陰濕濕，行路都要打醒十二分精神，一下踩錯腳就好大件事。「安仔，你講梅鐸呢位傳媒大亨呀？」咦，大師兄一早坐喺吧枱前，精神爽利，唔通你行緊桃花運？「乜嘢桃花運啫，你識唔識㗎，桃花多半帶劫，有桃花運，你就真係行路都要分外小心。」

「兩位世侄，乜咁好興致講中國文化？玄學呢家嘢好多人以為迷信，其實係國學的一支，大家都聽過台灣國學大師曾仕強講《易經》道理，你兩個真有文化。」前輩，好在有手機幫忙，我一秒之內搵到呢位國學大師之個人資料，已經過世了，不過令人留下深刻印象係30年前預言日本無運行，美國亦都就嚟行完尾運，21世紀中葉就係中國Number One時代。
「我都有留意曾大師，大家上網可尋，不過，講起桃花運，大家都知道桃花運好強之美國前總統，依家因為前度女朋友爆料，搞到好大鑊。」銀行偉人未到，聲先到︰「嗰位係香港人通常名之為女優，唔係乜嘢女朋友。」

其實我好憎呢種事事求學術定義，唔識從人情世故去諗嘢之人，其實做另類片種藝術工作，乜唔可以同好似侵侵咁有型又有才華之有錢人談情說愛？婚外情係另一個問題，總之，你一開口就以職業作為懷疑對方之依據，我好唔同意。不過，我亦無謂出聲，費事教精你。「偉哥，偉哥，飲杯雞尾酒先，你好似係拜登支持者！」
 

傳媒大亨再婚叫停 收回禮金？
 

講呢啲，不如講下幾時返大灣區，成日有內地經紀致電介紹中山樓盤，我都想去睇下。「安仔，呢排少咗好多呢類電話，我個中山表弟話，好多人返嚟睇樓，做到唔得切，所以無人得閒Call你。」張翁話︰「阿爺都開始逐步放水，想推起個樓市咁話，香港人返大灣區置業，係時候啦，你哋都要認真考慮。」

係啦，依家人生漫長，分分鐘過百歲都可以環遊世界，當你70歲退休，還有幾十年你享受人生，內地有層樓，可以繼續風花雪月。「講開又講，九十幾歲嘅傳媒大亨，原本計畫結第五次婚，不過有消息傳出呢位多情男士要叫停。」大家估下，唔通出現三角戀愛？抑或老人家身體有問題？「如果我係大亨個仔就會好高興，因為最怕第二時爆出爭產官司時，又多一個對手。」

張翁話︰「人家自有百年後安排，唔會咁易打官司。」大家建議不如開支威士忌，加冰暢飲可以驅走濕氣。「富豪最豪之消費就係玩結婚同離婚遊戲，大亨第二任老婆係記者，共處三十幾年， 離婚分到約17億美金身家，呢個係二十幾年前之事，當年係天文數字。」

明白，不過，錢唔可以帶走，談談情、結結婚都係分身家，好似美國前總統咁，路邊野花亂咁採，聽講最高可能被判百幾年監禁。

「喂，你不如浸佢豬籠啦，行桃花運要坐百幾年，乜嘢法律？」銀行偉解釋呢單官司唔係鋤佢風流咁簡單，而係牽涉一連串商業欺詐、內幕文易行為，大家唔係法律界人士，最好都係當睇新聞，聽故仔就算，講咁多都無謂，不如飲杯先啦。
傳媒大亨唔知之前有無訂咗酒席？「安仔，你都九唔搭八，不如你問大亨過咗大禮，畀咗禮金未？」我諗禮金可以收返一半，香港買樓規矩嘛！

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ