飲食熱話｜KOL申訴開瓶費貴 免開瓶餐廳大公開 最貴係酒店餐廳甚至唔俾帶？ 訂檯前查清楚咪出羞
2022-11-14 00:00 
做網紅（又稱KOL）最忌係冇人問津，冇人討論你嘅POST，冇人想知你講咩。而近日呢位飲食界KOL就成功引起話題，講緊其實只係餐廳欲收開瓶費一千元，對於好多人嚟講，一定係覺得好誇張為佢抱不平，又或者被批評叫佢不如自己掏腰包去第二度飲好過啦。老實講呢啲意見都係網友吹下水又搵啲嘢講啫，而真正值得討論嘅唔係開瓶費平與貴問題，係點解人哋會收你開瓶費呢？
背後原因呼之欲出
餐廳收開瓶費，最主要原因係想大家消費佢哋啲酒，最初開瓶費只是一項服務費，服務費的背後是要彌補餐廳在賣酒的同時，但你選擇自攜餐酒而做成的差額損失，因為只要不准許自備酒精，顧客就有機會消費餐廳的酒。為吸引顧客，餐廳就想出呢項附加費，你可以帶酒，我會象徵性收取服務費叫corkage，如果係白酒幫你雪住先，俾埋冰桶你一站式服務。
例如在美國曼克頓區的餐廳，平均收取的開瓶費是$15-$20美金一支（$117-$156港元），如果高級餐廳則會收$30-$85美金一支（$234-$663港元）。當然，餐廳給予客人去選擇背後還有一個因素，就是知道他們的酒未必符合客人口味與期待，但不想流失客人，因此給予選擇。
香港呢？我哋食大排檔一般唔會收你開瓶啦，餐廳？咁好明顯就要睇食咩菜式，有侍酒師嘅餐廳一般都對自己嘅wine lists好有信心，所以收高價開瓶費，無非係想大家飲佢嘅酒，唔好自己帶。當然有啲私房菜係做熟客為主，自攜一支酒分分鐘貴過食呢餐飯，所以有啲老闆覺得收錢都冇意思，不如大家開心仲好。或者唔收開瓶，熟客多啲嚟，叫多個餸都唔定。
免開瓶費餐廳大公開
講咗咁耐，講返該名KOL就供咗個免開瓶費嘅餐廳名單出嚟，加埋其他網頁嘅資料，呢度綜合咗五間餐廳資訊俾大家。
免開瓶費餐廳一覽︰
Pheromone - Steak House
食啲咩？ 至出名食牛扒，主打係「牛肉 Omakase」。訂座要利用facebook選contact us一項﹐不接受電話訂座。
地址︰大坑蓮花宮西街1-9號地舖
訂座︰6437 9739
ABC Kitchen
食啲咩？上環市政大廈的隱世餐廳，主理法式、巴西式、西班牙式等名菜如法式鴿子千層派、西班牙燒乳豬等。
地址︰上環皇后街1號皇后街熟食市場7號舖
訂座︰9278 8227
The French Table
食啲咩？法國菜，香煎鵝肝配紅桑子汁、法國生蠔、法式焗油封鴨脾、法式焦糖燉蛋。免開瓶費亦免切餅費，開心。
地址︰灣仔軒尼詩道239號23樓
訂座︰6112 8116
J.L. Private Kitchen
食啲咩？私房菜，老闆親自下廚，白酒忌廉法國藍青口、法式香煎鵝肝意式番茄莎莎脆多士等，唔收開瓶費同切餅費，已經開始預訂聖誕節同平安夜套餐，附設早鳥優惠。
地址︰尖沙咀山林道23號2樓
訂座︰9432 4188
La Maison
食啲咩？主打葡式及法國菜，招牌菜有安格斯肉眼扒、蘑菇湯、蘋果批等，唔收開瓶費，屬於另一間又隱世又有驚喜嘅私房菜。
地址︰灣仔汕頭街2號廣泰樓1樓B室
訂座︰2628 3888
最貴係酒店餐廳甚至唔俾帶？
其實坊間有好多餐廳，收corkage都算係價錢合理嘅，例如小編之前都採訪過上環Table by Sandy Keung，高質淨化海鮮，招牌菜係蟹膏蟹肉蟹籽伴蒜香越光米，餐廳都係BYOB Friendly（BYOB行內術語︰Bring your own bottle），不過條件係BUY ONE, FREE ONE，即要先同佢哋order一支酒你先可以免開瓶，又或者收$300開瓶費。
以下有個網頁就列出香港99間酒店餐廳，收費嘅開瓶費用，可以俾大家參考下，不過有冇新update就唔知啦，小編都係建議大家，訂檯前問清楚，咁就唔會尷尬出羞。
收開瓶費之酒店餐廳一覽︰https://www.onexcel-outlet.hk/blog/99-restaurant-hotels-open-bottle-fee/
(資料來源︰新紅酒網上平台 - On Excel Wines Outlet)
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應