識飲識食｜性價比高必揀加洲酒 專家教你咩叫Fumé Blanc
2022-11-07 00:00 
飲酒學問多，易學難精，不過有專家指點講故仔，又覺得唔係太難明白，因此小編邀請教咗對葡萄酒素有研究嘅靚女Catherine Ho講解加洲酒，實行上一寶貴嘅一課。佢介紹嘅酒性價好高，一定可以令情人對你刮目相看，冧到女仔又可以講下故仔，加晒分。
Nape Valley係加洲寶庫?
熟悉葡萄酒嘅你，應該知道美國出產最優質葡萄酒嘅區域就係Nape Valley，但如果你係初學者或者你想問，點係會係呢度 ?
其實早响1858年加洲已經有商業葡萄園，即是作為銷售用途，但是以前的Nape Valley酒莊並沒有很積極要改變，就算造酒都只是日常飲用質素而已。一直至全球的「根瘤蚜」蟲病害令大量農作失收之後，美國經歷着經濟大蕭條，及後Nape Valley在上世紀七十年代捲土重來，釀酒師決定要改造風格，精心於釀酒與種植技術。當然，能成就它改革成功，進入優質酒市場的原因，亦跟氣候與土壤相關，例如地中海氣候、受山脈之保護、火山岩土壤等，種種因素讓它如此得天獨厚，能成為一個寶庫。
Fumé Blanc係咩?
原來响葡萄酒市場上有個品種叫Fumé Blanc......?? (REALLY???點解未聽過？) 今次有Catherine為大家講解啦，小編先知道Fumé Blanc原來就係加洲版嘅Sauvignon Blanc!!! 究竟點解會有呢個稱呼呢?
上世紀六十年代，Mr. Robert Mondavi創立了自己的酒莊，而當時加洲酒仍然是以偏甜及較平價為主，當他某次出走到法國Loire Valley，品嘗過當地的Pouilly-Fumé之後 (主要以乾的Sauvignon Blanc來釀造的白酒) ，感覺驚為天人，回到加洲後便開始利用Sauvignon Blanc葡萄來釀造高質素的乾白酒，但由於當時加洲所賣的「Sauvignon Blanc」都是一般人認為的平價及偏甜款式，他便把心一橫，改埋名叫Fumé Blanc再推出市場，效果出奇地好。好多加洲釀酒師都利用Fumé Blanc呢個名造白酒，所以响加洲，Fumé Blanc其實就係Sauvignon Blanc。
紅酒定白酒出色?
無論係紅酒定白酒，加洲酒都有啲好signature嘅代表，的確係紅葡萄品種多一丁點，包括有Cabernet Sauvignon、Merlot、Cabernet Franc、Pinot Noir、Zinfandel都係釀造紅酒為主，而當中Zinfandel更加佔全個加洲產量約10%。白酒方面則以Sauvignon Blanc及Chardonnay為主流。因為各有佳釀，好難講係紅定白出色，只係睇個人喜好。
三款酒推介俾你
遇到Catherine又點會放過佢呢? 當然要推介啲美酒俾我哋。
第一款及第二款都係剛才講過嘅大師Robert Mondavi創立之winery出產嘅酒，包括:
2019 Sauvignon Blanc, Napa Valley, Robert Mondavi Winery
Catherine Tasting Notes︰「檸檬黃色酒身，柑橘果、西柚等的香氣四溢，還帶點青瓜香味，入口的酸度也高，亦帶有少許香草的感覺，回甘來說帶點蜜糖的香味。特別之處是它的Sauvignon Blanc有放在木桶作陳年，約六個月的短時間，那已經給予它那蜜餞一樣的味道。所以它比紐西蘭及澳洲等地出產的Sauvignon Blanc更加平衡及優雅。」
2019 Cabernet Sauvignon, Napa Valley, Robert Mondavi Winery
Catherine Tasting Notes︰「搖杯時已經好香，聞到好多紅莓及黑莓嘅味道，例如布冧，其實一開瓶已經有好鮮明嘅果味。及後有點辛辣香味，入口亦是先爆發果味，會有一定的單寧，酒體是順柔為主，回甘則有點朱古力及烈酒的香氣，整體是屬於優雅風格的Cabernet Sauvignon，呢款酒用嚟配帶少少油份嘅肉類都係相當好。」
The Prisoner, 2019 CALIFORNIA RED BLEND
Catherine Tasting Notes︰「它比Robert Mondavi Winery更加貼近加洲傳統風味，香甜帶果香，開心又令人好想一試再試，很多乾果的甜香，Blending的比例有很大關係，它的基酒是Zinfandel，還配有Petite Sirah, Syrah, Merlot等，整個組合就跟Robert Mondavi的Cabernet Sauvignon有很大分別。」
最新回應