泰國｜$10以下便利店必掃零食 $1蚊牛奶片 即整飛碟多士+燕窩飲料
2022-10-24 00:00 
香港人眼中，泰國物價相對地低。有人出遊泰國選擇豪住豪洗，亦有人繼續以平為出發點。食方面，識去一定去便利店搵食。以下幾款CP值高的便利店必食，有啲香港有得買，但當然較貴。食過？可以返尋味；未食過？下次去泰國要試喇！
必食1：熱壓飛碟 THB25（約$5港元）
便利店的熱壓飛碟，口味眾多，製作亦夠快，係唔少旅人的早餐、宵夜之選。最有heart是唔係微波爐返叮，而係用多士爐即買即整。香噴噴熱辣辣，10多種口味冇1款係「伏味」，旅人大推！
必食2：即食粥 THB30起（約$6港元）
康寶即食粥香港都有得買，但包裝、份量唔同，價錢當然較貴。買返酒店用熱水一整熱就食得。雖然是即食粥品，但粥底出奇地綿滑，亦有唔少口味選擇。
必食3：牛奶片 THB8（約1港元）
Roscela品牌的牛奶片，極之抵買，包裝討好小朋友大愛，又有足夠營養。另外的皇家牛奶片亦極之受歡迎，當年被台灣、內地旅人搶到冇晒貨，唔知而家去仲會唔會缺貨呢？
必食4：燕窩飲料 THB45（約$9港元）
泰國連燕窩飲料都平過人，NPB燕窩飲料泰國知名大牌之一，味道微甜而不膩口。藍色包裝為原味，粉色包裝是有添加膠原蛋白的口味。
必食5：辣肉香腸 / 魚蛋 THB30起（約$6港元）
泰國便利店的魚蛋、香腸某部分可以凍食，連叮都唔使，最啱買返酒店一邊歎泰啤一邊佐食。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應