旅遊冷知識｜巴黎症候群係咩嚟？凱旋門羅浮宮巴黎鐵塔令人失望？

2022-10-20 00:00

旅遊復甦，大家想去邊？除了日韓泰，法國都係港人熱愛的旅遊地方。但有個有趣的非正式統計，10個去完巴黎的旅人，8個表示失望。皆因童話裏都是騙人的？多年來，大家在電視劇、電影、小說中看到的凱旋門﹑羅浮宮、巴黎鐵塔都是美好而吸引，但如果你親身去過，就會發現巴黎完全不是想像中咁浪漫，唔少人去完巴黎都出現了巴黎症候群（Paris Syndrome）。

巴黎症候群由日本精神科醫生太田博昭（Hiroaki Ota）提出，旅人到訪巴黎時幻想太多，現實中的巴黎，根本不是電影中的美好。治安﹑文化、語言差異等問題，令旅人們原本對巴黎存在過高期望，去到當地卻出現極大落差。瀰漫尿騷味的地鐵站，在名牌店前行乞的流浪漢，仲有對你虎視眈眈的扒手，完全顛覆電影中描述的美好想像。唔少旅人們繼而產生焦慮﹑頭暈﹑出汗等問題，形成巴黎症候群。巴黎症候群多發生在日本人身上，法國人向來有話直說又不造作，行為舉止隨性又高傲，跟日本人溫文有禮、愛整潔的個性大相逕庭。試過有日本人因無法接受夢想中的城市原來不是這樣，而終止了旅程，立刻飛回日本接受治療，極之誇張。

巴黎症候群早二十年多發生在日本人身上，現在已成了一個在全球甚為普遍的症狀。近年大熱的Netflix劇集《Emily in Paris》亦正正講述一位隻身由美國去法國工作的女子的巴黎趣事。戴返頭盔先，小編沒有想要貶低任何一個旅遊景點，只是覺得大家想要了解一個地方，應該親身出走看一次﹐才會認識到那個地方最真實的一面。