深水埗好去處｜免費導賞團參觀全港最大百年歷史關帝廟二級歷史建築有咩睇？（附報名連結）

2022-10-05 00:00

深水埗有電器、平食小店、文青cafe，原來仲有個二級歷史建築物。深水埗關帝廟為九龍區唯一供奉關帝的廟宇，亦係香港最大關帝廟，1931年起由華人廟宇委員會管理，已獲評為二級歷史建築物。關帝廟今個月將舉行免費導賞團，市民除了拜神，仲可一邊睇建築一邊聽歷史。

深水埗關帝廟雖沒有確實興建年份，但由建築上寫了「光緒十七年」（即1891年），大概可估計最早期一次重建是在此年，即廟宇起碼已有132年歷史。關帝廟佔地約7,000多平方呎，為兩進式設計，有青磚、石柱建材。正中供奉關帝，左右兩邊為觀音、包公，另奉祀太歲、文昌、朱立大仙等神祇，多件來吸引各階層人士前來參拜。平時入廟就為拜神，今次破天荒有專業導賞員為關帝廟進行詳細介紹、解說，仲可欣賞傳統木刻、東方宗教藝術的細緻，最緊要係免費！有興趣就10月9日前click入呢個網址報名喇！

地址：九龍深水埗海壇街152至162號
參觀日期：10月16日（星期日）
參觀時間：2pm至3pm；3:30至4:30pm