得意雜貨｜睇得用得唔食得 日本超有創意食物造型雜貨 你最鍾意這個？

食物造型收納袋、文具已見慣見熟？以下介紹幾款雜貨，同樣都係食物造型，但唔係普通的收納袋，用途各不同，而且每樣都超級可愛又精緻，好想買返個來用！

大蔥袋
平時去超市買餸，即使帶了環保袋，每次買完大蔥都放唔到落袋，因為大蔥太長了。扭蛋公司tarlin就推出了大蔥專用袋，仲有手挽同側咩兩款，可以安安落落拎大蔥。

昆布毛巾
Felissimo推出的昆布毛巾，100％純棉手感超好，​​毛布濕了之後顏色會變更深更似昆布，難怪成為人氣投票第1名。

生蠔攬枕
攬枕通常是卡通公仔造型，這個生蠔攬枕可謂相當跳tone。​​胖嘟嘟夠飽滿，仲有蓬鬆褶皺裙邊圍住，極之逼真，手感仲非常柔軟舒適，同樣都係Felissimo出品。​​

醬油碟
見到檯上擺滿了食物，食指大動想夾來食？等等先，你肯定眼前的是食物？日本​​玻璃製品品牌ADERIA推出仿真小菜碟及醬油碟，將日本早餐的小菜以圖案形式放入盤中作裝飾，有酸梅、魚乾、秋葵等多款設計，造型栩栩如生，一邊食早餐時一邊望住這些醬油碟，裝飾定真係食物都傻傻分不清楚呀。

炸蝦縮骨遮
炸至金黃香脆，可以用來形容天婦羅，仲可以形容縮骨遮。Felissimo推出炸蝦縮骨遮，金黃絨毛遮套裏面是紅白相間、像極了蝦肉的縮骨遮，由內到外的設計都係一隻炸蝦，超有心思呀。

圖片來源：網上圖片

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ