天生黑面又如何｜天生臭臉綜合症係咩來？邊個明星係黑面之最？

2022-09-26 00:00

黑面又有錯？我都不想呀！有沒有人像小編一樣，成日畀人問係咪唔開心、邊個激親你等問題？黑面這種回事，長得漂亮、帥氣的，會被稱為冰美人或Mr.Cool。唔靚的就畀人話黑面神、寸寸貢、擺架子。想同大家解釋一下，一副「全世界都欠了我」的臉是天生的。

數據分析

荷里活最出名的RBF女星要數Kristen Stewart

天生臭臉綜合症（Resting bitch face，簡稱RBF），指的正正就是一些人，會無意識或在放鬆狀態下，做出煩厭、蔑視、刻薄、憤怒等被其他人認為是負面的表情。美國科技公司Noldus Information Technology，曾運用專門研究人類表情的軟件FaceReader，去分析何謂黑面表情。眉頭深鎖、雙唇緊閉、神色凝重注視前方等，都會被人認為是黑面。亦有專家指出，人類有機會因年紀增長，皮膚鬆弛因而令嘴角往下，即大家形容的「苦相」。有人因為一副黑面相，要求去執執張證件相。更誇張的是有人因為天生黑面樣而去整容微調。表情還表情，同個人性格未必有關，黑面唔代表唔高興。成日畀人話黑面的人，下次可以理直氣壯同人講：「天生㗎okay？」。但若然閣下覺得自己有天生臭臉綜合症卻又唔想再畀人話，不妨睇呢個YouTube，尋找下解決方法。