米珠蓮｜中秋限定生果主題下午茶加推香印提子拿破崙蛋糕/北海道蜜瓜蛋糕

2022-09-05 00:00

中秋節又到了，一家團聚食中菜之外，都可以同閨密去歎個下午茶相聚一刻。荃灣西如心酒店藉着中秋佳節，推出中秋限定「果漾．滋秋」下午茶。

中秋「果漾．滋秋」主題下午茶，以甜柿、無花果、蓮藕等時令食材炮製，既滋潤又能突顯中秋佳節氣氛。豐富鹹點包括慢煮鵪鶉胸肉配烤蜜桃、香脆蓮藕蟹肉丸、柿子蝦肉開面三文治等，為味蕾送上秋日暖意。甜點方面由Nina Patisserie團隊炮製，洋甘菊蜜糖香梨蒟蒻，口感香甜，賣相仿如晶瑩水滴，令人眼前一亮，實行相機食先！巨峰提子慕絲蛋糕造型出眾，以花葉點綴，充滿藝術氣息。下午茶當然不少得英式鬆餅，飲品方面則可選擇咖啡、茗茶等，讓賓客細味悠閒時光。「果漾．滋秋」下午茶可於酒店的Café Circles及Nina Patisserie品嘗。

中秋主題下午茶以外，Nina Patisserie亦同時推出「果漾秋日」系列蛋糕，以日令香印提子及北海道蜜瓜做主打。其皇牌經典甜品拿破崙蛋糕，鬆脆酥皮層層相疊，配上幼滑吉士打醬，口感豐富。Topping則加了粒粒飽滿又香甜的長野縣香印提子。而去年熱賣的日本蜜瓜鮮果忌廉蛋糕今年載譽歸來！選用原個北海道蜜瓜，切開是香甜的鮮果忌廉及軟綿雪芳蛋糕，賣相夠晒IGable。