簡易DIY｜自製5款榴槤美食 懶人版雪糕 香口多士卷

榴槤當造，一眾榴槤控當然要把握時機，大快朵頤。除了即開即食之外，在家花一點心思炮製榴槤美食，可令美味提升。今日推介5款DIY榴槤美食，簡單又美味。

 

雲呢嗱雪糕與榴槤味道最夾。

1. 懶人版榴槤雪糕
材料：榴槤肉、雲呢嗱雪糕
做法：坊間有不同的DIY雪糕方法，做法也算簡單，但最直接簡單的懶人方法，是將榴槤肉切小塊，與雲呢嗱雪糕加入攪拌機拌勻，再冷藏至凝固。
選用香味溫和的雲呢嗱雪糕，便不會蓋過榴槤香味。攪拌後立即雪藏。

 

想榴槤西米露更香濃，可用濃度較高的牛奶，及加入花奶。

 

2. 香濃榴槤西米露 
材料：榴槤肉、牛奶、西米
做法：西米加入滾水中煮滾，關火焗至透明，隔出西米待涼，雪凍。榴槤肉用攪拌機打成榴槤蓉，加入牛奶，打勻成稍稠的榴槤牛奶，倒出置雪櫃冷藏。拌勻冰凍榴槤牛奶及凍西米，加入少許榴槤肉即可品嘗。

 

若做成卷狀，加上水果裝飾，即成精緻派對小食。

 

3. 香口榴槤西多士
材料：榴槤肉、雞蛋、麵包2片
做法：將榴槤肉搓成泥狀，蛋打拂成蛋漿。在麵包上塗抹榴槤，將麵包捲起，以牙籤固定，將麵包卷整個沾上蛋漿，在鑊中燒熱牛油，下麵包煎至金黃。也可塗抹榴槤後蓋上另一片麵包，做成傳統西多士。

 

果醬可用來配不同甜品、麵包及入饌。

 

4. 香甜榴槤果醬
材料：榴槤肉、砂糖、少許鹽、檸檬汁
做法：將榴槤肉加入攪拌機打成蓉。在熱鍋中，加入榴槤蓉和砂糖，慢火煮至砂糖融化，期間不時攪拌以免黏底，最後下少許鹽和檸檬汁提味。

 

奶凍香滑清甜，非常消暑。

 

5 精緻榴槤奶凍
材料：榴槤肉、淡忌廉、鮮奶、糖、魚膠粉、開水
在碗中加入魚膠粉及適量開水， 以熱水坐融。榴槤肉與鮮奶及糖攪拌至幼滑，加淡忌廉拌勻後，注入魚膠溶液徹底拌至均勻，將混合物倒入小杯中雪至凝固。

文：EH