將軍澳好去處｜大型夢幻甜品展免費睇 5 大打卡位 6 米高冬甩牆 巨型蛋撻彈床

炎炎夏日唔想玩戶外活動，去商場打卡就最啱喇！超人氣甜品主題夢幻打卡展「The Dessert Museum」 將於 7 月登陸將軍澳東港城。「The Dessert Museum」 先後在新加坡、菲律賓、杜拜等地展出，一直極受歡迎。今個夏天終於來到香港。「The Dessert Museum」一聽個名就知，走 sweet 到爆路線又志在呃 like，香港站展覽設有 5 大打卡位，少女們必定大愛！

七彩童夢甜甜圈
最吸引眼球的七彩童夢甜甜圈，走入 6 米高的冬甩牆，見到各式各樣唔同「口味」的冬甩，唔食得但影得呀，仲有冬甩滑梯，女士們準備好擺 pose 影相未？

幸福馬卡龍下午茶
走高貴路線的幸福馬卡龍下午茶，一個個粉色系巨型馬卡龍疊起，仲有大小一不的幻彩發光藝術波波，加埋巨大茶壺同 cupcake，充滿法式情調，優雅得來又令人心花怒放。

棒棒糖繽紛世界
棒棒糖繽紛世界色彩令人目炫，如 Barbie 場景一樣夢幻。一支支棒棒糖唔止可以影相，仲如韆鞦一樣可以左搖右搖，360 度轉轉轉最好就係拍 Boomerang 片擺上 IG 喇！

情迷「彈」撻樂園
香港站方面仲有的獨家限定區域情迷「彈」撻樂園，相當有地方特色的「蛋撻」原來是彈彈床，好玩之餘又可以打卡影相。

仲夏黃金沙灘夢
一片鮮黃色超 sharp 醒，展現炎夏活力一面。仲夏黃金沙灘夢設有香港站獨有的 VR 超現實甜蜜體驗，戴上 VR 眼鏡可全方位感受真正元宇宙甜點藝術展覽的視覺衝擊。

地點：將軍澳坑口東港城 1 樓展覽場
展期：7 月 14 日至 9 月 4 日
時間：10am-10pm

圖片來源：東港城、The Dessert Museum

星島新聞集團慶回歸25周年專題網站，請即瀏覽
https://bit.ly/39AQC3m