Blue Monday｜點解星期一一定係藍色 同漂白水有咩關係？

「星期日」是新一個星期的開始，但在絕大部分人（同打工仔）眼中，「星期一」才是一星期的開始，因為要返工呀，世界末日喇！大家都知「Blue」一字有憂鬱、鬱抑咁解，咁究竟是否因為大家星期一要工作，先令到有 Blue Monday（藍色星期一）這個說法？

中古時期
「藍色星期一」最早出現在歐洲中古時期，有說是因為星期日是假日，工人們狂歡喝醉酒後鬧事，打架情況屢見不鮮。星期一帶着滿身瘀青、酒氣返工，頹廢到不行，所以稱為「藍色星期一」。

德文一分鐘
另一說法同上述有點雷同，18 世紀時的德國，國民由星期六起個個都成了派對動物，當然最後又係搞到星期一返工都如 walking dead 一樣只有驅殼而沒有靈魂。而「Blue」一字在德文中有「處於混沌狀態、空洞」的意思，用來形容打工仔在星期一沒有心情工作簡直夠晒傳神。

宗教說法
另一個說法，基督教四旬節，即復活節前的 40 日到復活節的前 1 日的星期一，教堂祭壇會掛上藍色的布，因此有了「藍色星期一」的叫法。

關漂白水事？
19 世時的美國婦女，原來逢星期一有個家庭重要任務，就是要洗衫。而當時常用的一種漂白水配方叫「bluing」，一個人纖纖玉手要洗晒全家的衣服，確實面口都好難寬容，因此有了 Blue Monday 一詞。

藍色星期一的由來大家都清楚了，如何避免星期一個人冇咁空洞又唔好咁 Blue？《福布斯》雜誌就建議，在上星期五計劃定下星期的事，減低星期一甩碌情況；早睡早起身體好；星期一打扮得靚靚約朋友飲返杯，減低鬱悶感。聽落好似係人都知，但真正做到的又有幾多人呢？

圖片來源：網上圖片

星島新聞集團慶回歸25周年專題網站，請即瀏覽
https://bit.ly/39AQC3m