便利店尋寶｜限定手工啤日本啤芬蘭雞尾酒都有齊

香港嘅便利店雖然唔似台灣日本咁誇張，但都總算稱得上「總有一間喺左近」，兩間大型連鎖便利店的貨品齊全，有時亦會有限定商品推出，可以話在明爭暗鬥中，受惠嘅當然係市民大眾啦。最近小編又發現，本土手工啤品牌「友」就在7-11上咗架，當中兩款口味包括紅色罐嘅「波友Lager」及藍色罐嘅「發燒友Pale Ale」都有得賣，前者仲加咗新配方陳皮入去，令香味帶有清爽的柑橘香，由 2022 年5月11日至24日期間，於 7-11 便利店做緊$16試飲價，鍾意啤酒嘅朋友唔好錯過呀。

提起柑橘香，7仔仲有幾款酒精類飲品值得推介，包括來自比利時嘅HOEGAARDEN，新口味西柚白啤酒都幾啱女孩子，又或者日本嘅代表︰麒麟本搾鮮橙果汁汽酒及麒麟本搾冬柑果汁汽酒，兩種口味都幾清新，後者更是用咗五種柑橘水果果汁調配，真正係限定精選。至於鍾意威士忌風味，都可以揀Suntory廠的Highball，不過小編都係偶爾見到有得賣......似乎亦唔係間間7-11搵得到。

至於Circle K其實都有唔少珍品，之前小編就見過芬蘭人推薦嘅long drink、罐裝的飲品Hartwall Original Long Drink，裡面有Gin酒成份加上果汁，是有汽飲品，夏天用嚟消暑都唔錯，酒精度亦只有5.5%，大家不妨一試。

更多新冠疫情資訊，請到以下專頁瀏覽
按此  https://bit.ly/3JqiBzz

想睇最新消息，立即 like 頭條日報FB專頁！>>