萧正楠趁太太拍紧戏去K房练歌 曹永廉：准备定年尾红馆演唱会

萧正楠于社交平台上载与曹永廉到K房练歌片段，留言：「廉哥话我太太拍紧戏，静静鸡带我去卡拉OK见识下....佢嘅歌喉 #美加演得会 #老廉萧show #特训中 #红馆见」，片中阿萧谓来为4月美加演唱会练歌，然后阿廉戏言「同埋准备定我哋年尾嘅红馆演唱会啦」，搞到网民极兴奋，留言「你话㗎 红馆见啦」、「期待红馆」、「快啲喺香港开演唱会&栋笃笑!!!」，仲有提醒「记得去红馆入纸排队呀！！！！」阿萧就回覆谓「让路畀华仔哥先」。另外有人话「太太两字是重点」、「哗好难得睇到 『太太』 两个字」。
阿廉亦在社交平台上载偷拍阿萧练歌片段，留言：「有进步空间，好大空间！」被田蕊妮留言取笑：「你讲紧自己嘅摄影技术？」