点名身边老友老得快 曹永廉：嘉颖皱晒皮

曹永廉、唐文龙、杨卓娜等出席美院店开幕，吸引大批巿民围观，阿廉因热播剧《大帅哥》大受欢迎获市民邀合照。54岁的阿廉，不单止人气劲，保养也得宜，近日更获网民封为「冰封侠」。问到阿廉美容心得？他笑言后生时没有特别保养，纯天然，但有感近年出现衰老迹象，故此多了关注仪容，多做保湿、敷面膜、Facial等，又会注重健康饮食少糖少盐。他说：「其实最重要系心态，开心，个样就会后生。」
阿廉笑指身边个个朋友都保养得不好，更点名指郑嘉颖、黄智贤、萧正楠老得快，说：「我身边个个朋友都keep得唔好，你问我身边边个朋友老得好快呢？一定系最老友嗰几个，大家都知道啦，嘉颖皱晒皮；黄智贤个样睇落仲大过我，但其实佢年纪细过我；仲有萧正楠，有啲剧佢可以做我阿哥，佢真系要检讨下！所以喺我身边嘅人老得快，不代表我后生，希望佢哋注重下，尤其是嘉颖唔好咁劳碌。」
问到今个新年会否叫结了婚的萧正楠封大利是给他？阿廉笑说：「今年佢扬晒，都几大镬！不过佢好孤寒！唔会封畀我，叫佢封畀我啲小朋友，我啲仔女曾经当佢系偶像，虽然佢依家结咗婚，我个女对佢冇晒兴趣，但都希望佢会封番封大利是畀佢哋。」
唐文龙坚称单身没女友，连向来有催他的爸爸都已放弃他。是否要求高？唐文龙也直认不讳：「最紧要同我夹得埋，对我阿爸阿妈好，皮肤白、唔好太瘦，至于识唔识讲广东话丶普通话、英文已经唔重要。」
杨卓娜被问会否传授生仔秘方给妹妹杨怡？卓娜即谓：「生小朋友系讲缘份，佢有自己计划，知道妈咪有帮佢调理身体，佢自己都有食中药调理。」