拍咀戏撞正男友探班 吴嘉熙怕不慎伸脷惹尴尬

ViuTV剧集《PLAN B》本周五大结局，讲到黑帮斗争趋于白热化，吴嘉熙（Cheronna）与王宗尧陷入险境，二人设法逃离期间于车厢内深情一吻。

谈起亲吻戏，Cheronna直言拍摄时有点紧张，当日更遇著男朋友黄奕晨到场探班，「其实佢唔系嚟监场，咁啱佢嚟探班就撞正我拍Kiss戏，点知拍嘅时候佢挂住同佢老友骆振伟倾偈冇睇到！」Cheronna又被骆振伟大爆二人私下的对话：「Cheronna有日同我讲唔识拍Kiss戏，话佢自己锡亲都要伸脷！咁我咪叫佢同王宗尧拍嗰阵伸脷罗，佢就答我话唔得，惊条脷会俾王宗尧用门牙顶返出嚟，到时个场面会好尴尬。」

另外，剧组亦邀得艾威客串警察一角，在公路上拍摄枪战戏，剧组更向警务处租借警车和警察制服进行拍摄，艾威大赞拍摄具真实感：「呢次好易投入剧情，相反我对古装剧就有少少抗拒，因为无论系个场景、服装，定系台词都话紧畀你知你系做紧戏。」