孖KB拍节目玩转泰国 Cheronna扮人妖自愧不如

组合Super Girls成员吴嘉熙（Cheronna）与李健宏（KB），拍摄旅游节目《玩X爆泰国》。KB继续发挥丧玩本色，走访多个泰国地方「搞搞震」，难怪Cheronna直言今次泰国之旅劲好玩，她表示︰「今次泰国之旅系斋玩，将好玩嘅嘢分享畀大家，我哋全程都系玩同埋做啲好傻好白痴嘅嘢，出到来嘅感觉系好好笑，想话畀人知去泰国唔止可以shopping同做spa，系可以玩埋呢啲嘢。」

其中KB与Cheronna于当地欣赏人妖骚后，兴之所至，二人索性踩入「人妖学校」学做人妖，见二人先与当地人妖近距离接触，最后更要「变装」做骚。Cheronna谓︰「我哋睇完表演后，就要去学校，著佢哋啲衫跟住模仿个骚表演唱跳。我以前见过人妖表演，但今次系去佢哋间学校睇佢哋台上表演，特别去学如何妸娜多姿。」

Cheronna大赞人妖举手投足都靓到爆，自言麻甩的她自愧不如，「近距离见佢哋，觉得仲靓过女人，我作为女人觉得自己好麻甩，反而佢哋食嘢斯文，一啲小动作都靓过好多女人。」变装后，Cheronna即时向男友黄奕晨开心share，不过男友似乎锺情KB的造型，她又赞KB有做人妖潜质︰「KB化到好好笑，其实佢好有潜质做人妖，因为佢好有表演欲，只系佢个样唔够女人，始终有点男人味道 ，所以可能要去整容。」