梁丽翘呻家佣「货不对办」 唔识做家务仲嫌B女嘈 　

节目《东张西望》主持梁丽翘（Nicole）今年5月为老公诞下囡囡Nanette，一直专心凑囡囡。不少港妈都会请家佣帮忙照顾BB，身为新手妈妈的Nicole都不例外，想B女得到全面照顾，可是她在社交平台撰长文透露聘请过家佣，因发生不愉快事件才决定一手一脚凑B女。

梁丽翘指囡囡出世前两个月已请了「履历满分」的菲佣，希望对方可以快适应香港这新环境及互相磨合、融入家庭。她说：「我哋嘅唯一要求系有乜嘢唔好摆喺心，要同我哋沟通，做我哋嘅team member！当然我哋亦要身先士卒，先将佢当成我哋自己人。BB未出世，家务很少。冇奢望佢煮饭似大厨，家务快捷，只希望佢有Heart！只要有heart，我哋就相信佢会愿意为我哋屋企行多一步。」

虽然梁丽翘发现菲佣「货不对办」，唔识煮饭、做家务、不太懂照顾BB，去到梁丽翘当日半夜穿羊水入医院，菲佣竟完全没帮忙，令她很失望。梁丽翘再分享：「最后，第一晚出院，BB得三日人仔，跟她同房，佢全晚唯一问过我嘅问题系BB喊，我抱咗BB出去喂奶之后问嘅：『可否闩咗道门？』」令她彻底死心。

不过看到囡囡成长，梁丽翘不介意辛苦及牺牲了自由，开心谓两公婆努力照顾小孩，感情更胜从前。她又称：「讲咗咁耐都系想抒发下：凑BB系辛苦，但唔痛苦；见到Nanette健康开心，值回票价。如果迟啲要生下一胎，可能真系要再搵帮手，人夹人，祝我好运」。