谢安琪失言Say Sorry 向粉丝承诺以最佳状态回归

谢安琪（Kay）为张继聪诞下细囡张靖后，乐于专心凑仔女，复出乐坛无期。昨日Kay难得「出山」撑自己有份投资的食店开张，话想继续学做生意、开生活馆，产后身形依然圆润的她更抛下一句「仲咁肥唱乜歌」，吓到粉丝以为Kay隐退。

Kay上载与大仔张瞻及囡囡的合照，就她昨日的言论向大家Say Sorry，表示未来可能以最佳状态复出，不过现阶段先享受同家人相处。Kay留言：「Sorry sorry sorry，需要同大家解释一下，我唔系觉得肥就唔可以唱歌，我表达得唔好希望大家唔好介意，我只系觉得我自己而（依）家嘅状态，无论身体状况定系身形线条，都同平常工作时候既（嘅）我有一大段嘅距离，并唔系我心目中嘅演出状态。」 现阶段好享受家庭生活的Kay自言，每日同仔女相处很美好、宝贵，所以唔会为工作设下期限，希望可以循序渐进回复状态。她更问粉丝：「如果有朝一日我返嚟，我希望以最佳嘅状态同你见面为你唱歌，一言为定，好吗？ #我不著急 #我现在很快乐」。

粉丝们都力撑好妈妈Kay，有人窝心留言「我等你返嚟啊...kay!!!!!点舍得叫一个啱啱生完嘅妈妈放弃同仔女相处嘅时间出嚟做嘢呀」、「一定等你准备好哂先！对你既（嘅）心从未变过！」、「好喜欢你可以很自然的享受这个时刻这个状态」、「生完bb既（嘅）妈妈系最靓架（㗎），因为嗰份母爱令你变得更迷人，支持你」。