谢贤细数生命中5位女人 同拉姑离婚开心拥抱

谢贤（四哥）日前接受有线节目访问，他和狄波拉结婚25年后离婚，至今依然是好朋友，甚至和拉姑现任老公的关系都不错。原来当日四哥和拉姑办理完离婚手续后，二人竟在街上拥抱起来！四哥笑道：「因为太开心，我仲抱住佢转咗3个圈，睇到我地双方律师都呆咗，哈哈！」 除了拉姑，四哥还细数他生命中其馀4位重要的女人，他说：「第一个系嘉玲（息影女星），同佢失败咗，系因为当年我太贪玩，因为细个无钱，后来有钱咪出去丧玩罗，玩到有日佢突然同我讲要结婚，然后就嫁咗去泰国！」

萧芳芳是四哥第2个女朋友，四哥爱惜地说：「芳芳好乖，系我决定要离开佢嘅！因为有日佢提议我去学英文，我心谂，我连玩都唔够时间玩，你仲要我去学英文？不过我从而知道佢系个好女仔，咁我就唔好害人啦！最后决定退出，我觉得自己做咗件好伟大嘅事！」 四哥和甄珍的结合是在光艺年代，二人拍拖4年，结婚1年便分开。四哥回忆说：「签咗离婚纸后，我揸车上咗山顶喊咗15分钟，然后我同自己讲，过咗去啦，唔好再谂，然后就放低咗！」

至于四哥和现任女友Coco拍拖逾10年，四哥坦言不会再婚：「名份系假㗎！两张婚书我都撕烂咗，仲结来做乜！况且我都80后啦，所以我同佢讲，遇到个好嘅就走啦！」四哥真系好豁达，亦好坦白，笑问他今时今日是否还「有心有力」？他大笑道：「依家有心多啲！哈哈哈，呢样嘢无得认叻嘅！」