雷颂德包辨苏永康发烧碟 操刀影埋封面

苏永康首次推出Hi-Fi发烧天碟《LOVE FROM THE LAST CENTURY》，因选唱的歌大部份是上世纪情歌。苏康说：「我构思咗好耐有好多歌想唱，因为乐坛有好多好歌，我经常谂如果自己唱到呢啲歌就好，今次嘅录音时间，相信系我入行31年嘅唱歌生涯中录得最快一次，喺2个月内完成，通常要录几个月时间，因为唔使等作曲填词，可以好快完成，加上我冇卖弄任何唱歌技巧，一切自然咁唱，不过真系用咗好多乐器去演奏！」

今次苏康的天碟由雷颂德（Mark）一手包辨，连封面摄影师也是他操刀。苏康笑说：「Mark自从同黎明影咗本影集之后成为摄影师，佢近几年不停影相，系好专业摄影师，所以要邀请佢影封面！」不过苏康在外国网订来拍封面穿的大褛，迟迟未运来港，期间他和太太去日本旅行，才发现大褛仍在当地店内没寄出，要出动老婆跟网站理论，最后在24小时内就运送到港，苏康就被老婆大骂。