见张继聪被斩满面血 B女张靖肉紧嗌：爸爸

张继聪近排忙拍剧，放假都留返陪屋企人享天伦，尤其系凑细女张靖（Karina），增进父女间的感情。昨晚好爸爸张继聪同囡囡留在家中睇电视，仲睇返佢同邓丽欣主演的电影《失恋日》；播到张继聪在街头打斗兼被斩一幕，佢抱住囡囡玩埋拍片，有晒「家长指引」唔怕睇血腥场口。爸爸被戏中的李嘉斩到成面血，张靖亦睇到好肉紧，不时咿咿吖吖，仲叫咗声「爸爸」。

同囡囡欣赏自己演出，张继聪开心留言：「依位女观众睇到好投入，拍摄依幕嘅时候，又热又攰又打到周身痛，爸爸一谂住系（喺）妈妈肚里面嘅你，就充满力量。一眨眼，你就陪住我一齐睇依一幕」。杨千嬅都有留言：「so sweet」，《失》片导演叶念琛则趁机赞自己：「咁细个已经咁有品味」。