深宵开工靠囡囡可爱照撑住　张继聪代一众麻甩老窦道心声

谢安琪生完细女张靖（Karina）后专心凑一对仔女，暂时无意复出，老公张继聪成为了家庭经济支柱，亦要努力帮囡囡搵奶粉钱，最近日以继夜开工，落雨天去到荒山野岭拍戏被蚊叮到个头红肿，都要讲住笑接受，全靠小公主一张可爱照撑住，尤其深夜开工的时候。

阿聪今日凌晨晒囡囡可爱照，留言：「望住张相，工作几辛苦都值得！年轻嘅朋友仔，可能有时你会觉得你地（哋）嘅老豆（窦），好老套，沟通唔倒，好似个世界去到边都唔知....唔好怪佢地（哋），因为佢地（哋）个世界只系剩番你，同你嘅将来...其他乜都已经唔再重要。麻甩嘅老豆（窦）系你嘅来临前都曾经in过嘅其实。冇嘢嘅话，我哋成班麻甩佬继续开工啦！」网民留言赞阿聪讲出一众麻甩老窦心声。 （1600更新）然后，今午阿聪上载老婆逗女儿的短片，留言：「Happy Friday! 同大家分享下我嘅快乐❤️」。