29年后keep住有型　杜德伟揽张继聪饼印父子合照　

张继聪4岁已经开始做童星，拍过唔少广告、电视剧，细细个已经同明星艺人交手，其中一位就系杜德伟（Alex）。今日张继聪上载摄于1988年嘅合照，畀杜德伟揽住嘅佢当年只有7、8岁，Alex都系27岁左右；对比起Alex揽返张继聪10岁大仔嘅合照，两父子饼印一样，Alex亦冇乜点老过。

睇返新旧合照，张继聪童心未泯索抱：「1988....2017，好有价值嘅一张照片。Alex哥哥，点解你可以keep住咁有型？下次叫Alex抱住我再影番（返）张先」。网民睇完都大赞Alex型棍，「Keep得好之馀，仲要靓仔咗」、「好期待佢揽住你影多张呀」、「个仔同你饼印一样」、「型咗又man咗」。