囡囡著靓靓饮衫好得意　张继聪晒女：我开始有分享症

自从前世情人张靖出生后，身为爸爸嘅张继聪周不时都忍唔住分享囡囡嘅可爱相，变成「晒B狂魔」。张靖话咁快就嚟4个月大，愈大愈似哥哥张瞻，两兄妹饼印样。今日张靖打扮靓靓，头戴白色喱士纱巾，著上白色衫仔去婚礼，相信一身装扮都系出自妈妈谢安琪谂头。

见到囡囡「战斗格」上阵，又笑得咁Sweet，爸爸张继聪又顶唔住上载美图，并留言：「人仔细细去人婚礼，想冧死Daddy咩？ .....我谂我...开始有囝囡分享症」。网民一律赞囡囡可爱、迷死人，所以原谅张继聪化成狂魔骚囡囡相，仲催佢开心分享更多得意照片，冧吓大家。