【DR美容案】推销死者疗程录音曝光　医生：大陆日本都用作治癌

DR医学美容集团涉于2012年推销未经验证的CIK疗程，导致一死、两伤残，案件今在高等法院续审。 死者陈宛琳生前于2012年5月18日到DR医学美容中心的一段录音（节录）： 陈医生：解释俾你知咩系CIK细胞，即系免疫过嘅疗程嘞，咁其实CIK细胞就系一啲身体入便有个啲白血球细胞 陈宛琳：哦 陈医生：咁呢就其中一种，有好多种唔同白血球啦，咁佢就系其中一种，咁佢系比较一啲原始嘅有白血球细胞，咩叫做原始嘅白血球细胞呢就即系，佢白血球嘅用途呢就系喺身体度呢就系打一啲外来，即系唔同，唔系自己细胞嗰啲或者变左唔同样嘅细胞，咁嗰啲白血球就会歼灭佢，用唔同嘅方法。比较原始嘅意思，就已系佢嘅辨认个样嘅啫，觉得嗰个细胞，唔系我嘅细胞佢就食咗佢㗎嘞，或者佢就歼灭咗佢，咁我地比较原始嘅白血球细胞，咁CIK就系一种比较原始嘅白血球细胞嚟嘅。咁随住你年纪愈嚟愈大啦，即系年纪嘅增长呢，呢啲白血球嘅细胞就愈嚟愈小嘅，咁但系我地生活系而家嘅个咁嘅环境度呢亦都好多幅射呀，好多食物呀变异呀，咁呢所以我哋身体呢即系比以前比较更加容易会有变种呀啲细胞，咁呢而家就有呢啲咁。CIK细胞就喺我哋度呢，帮你抽啦，培殖咗打番喺身体度呢，就希望概念上，就希望增加你自己嗰啲白血球嘅数目，去打嗰啲变异嘅细胞，咁呢就等身体唔好话储存咁多唔好嘅细胞喺身体度嘅，明唔明？ 咁呢个疗程其实喺大陆呀，内地呀同埋喺日本都有嘅，咁佢地用黎医治癌症嘅，咁呢我哋个层面呢，即系我地唔会话想做医病，医癌病嘅喺呢度，我哋主要都系想攞个概念就系话想帮我地嘅客人，即系身体健康，好似排毒咁样，将身体唔好嘅嘢清除左佢，咁呢就系一个保健品咁样去调理番身体罗，咁所以我地打嘅数目无几亿，可能几百万个细胞咁样，咁就打番身体度，希望可以铲除啲唔好嘅细胞，等佢唔好困住喺一齐，因为惊佢囤积咗一齐，就惊啲良变恶，以铲除啲唔好嘅细胞，等佢唔好囤积喺一齐，因为惊佢囤积咗一齐就惊啲良变恶，咁变啲唔好嘅嘢出黎咁样罗，明唔明？OKAY有无问题问我？ 陈宛琳：咁我果阵呢感冒，但系啲叫做抗生素就要食哂先啦，咁我今日食左一粒，11点几个唔食ge，咁食一粒咁抽血得唔得？ 陈医生：其实无影响嘅，抗生素其实主要就系对付D细菌，对付D细菌同埋，对付细菌嘅啫，咁就唔会影响到你啲血球嘅，我今日抽血主要就喺你啲血液入便去搵番啲白血球，即系啲 CIK细胞出黎，跟住搵到啲细胞培植，培植完再打返俾你嘅，咁抽血就会抽大概100cc啦，100cc即系半包维他奶度啦，好少嘅姐，咁就会同你抽完就即刻同你运返去实验室嗰度即刻同你去抽啲CIK 细胞出嚟啦，跟住之后再培殖，培殖到个数就打番入你嘅体度嘅，明唔明 ? 陈宛琳：明 。 陈医生：有无问题想问我？ 陈宛琳：暂时无。 陈医生：OKAY，好吖，咁就，如果无问题，呢张签咗，咁因为呢张系主要系讲话你啲病历嘅啫，我地主要系想做系即系推介俾啲客就系身体健康啲，我地就唔想话，即系如果有啲上嚟医病嘅我哋惊佢有太大嘅期望，咁所以我哋都系想做个保健嘅产品，所以就问清楚你啲病历嘞，咁就都系身体健康无病嘅，咁我哋都，即系其实主要想你签番个名就确定呢个你讲嗰啲系真㗎嘞咁样。OKAY，咁等阵出去就会帮你抽㗎嘞，咁就，好啦，咁你出去等等先吓。 死者陈宛琳的丈夫杨锦今日亦出庭作供，完成作供后，审讯将于下周一继续。 三名被告为62岁的周向荣、35岁的麦允龄、32岁的陈冠忠，他们于2015年2月6日被捕，被控一项误杀罪。