半百陳雅倫嫁杏無期？　傳未婚夫Martin淆底唔結婚

半百的陳雅倫（Ellen）早排甜蜜放閃，預告拍拖半年、細5歲的吳彥祖表哥Martin今年內完婚，更被拍得當街咀嘴，好Sweet咁款。但Ellen被指放料影相，Ellen嬲爆以全家性命發毒誓冇做過，仲疑似暗示Martin唔信任自己。近日Ellen冷靜完有感而發，坦言「對的人是磨合出來」。 以為Ellen覓得幸福，但今日有報道指Ellen與Martin表面恩愛，但男方似乎受不住輿論壓力，臨門一腳淆底唔同Ellen結婚，更驚爆喜愛夜蒲的Martin與前度女友育有一子，但要仔唔要乸，決定打官司爭撫養權。報道更指上星期四（16日）Ellen半百生日時，Martin竟一支公去尖沙咀夜蒲，未有陪在女友身邊慶生。唔知Ellen會唔會變返嫁杏無期？