星8卦丨「娇嗲」任性离婚捱穷重病 前夫重情义照顾成为好朋友

因为知道老公包养好朋友，「娇嗲」终于接受唔到事实。毕竟嫁入呢个门口嗰阵，自己出身普通，老公屋企人又唔系好睇得起自己，好在生咗几个出色小朋友，继后香灯之馀又可以分到身家。

相关阅读：星8卦丨「妈咪」命苦嫁错又嫁错 靠「世家」包养生活无晒朋友

老公份人好长情架，连初恋女友都成日 一齐食饭，「娇嗲」而家同老公分开咁多年，一样成日同佢历任女朋友同枱食饭，锺唔锺意另一回事，但证明老公真系一个有情有义嘅人。当初「娇嗲」下堂求去，老公已经同佢讲，你出咗去搞唔掂，生活唔到架，你继续只眼开只眼闭咪算罗。

「娇嗲」都知嘅，但今次系同死党有路，两个人仲谂住冇人知，老公心地好希望帮死党搵生意而通咗天，「娇嗲」觉得好月冇面，所以好唔理智咁决定要分开。结果梗系畀老公睇死，食惯用惯嘅少奶奶，最后仲要屈出病，好彩啲细路好生性，对妈妈照顾，老公亦畀晒医药费同埋生活费。

「娇嗲」而家都话多谢自己个病，如果唔系都唔知咁多人爱自己，呢次之后成个人开心好多，亦好接受老公身边啲女人，有啲仲可以做埋朋友，但死党就点都唔可以做返朋友，虽然明白当时对方好需要钱，不过咁样就觉得无道义，天下咁多有钱人做乜唔熟唔食，情愿借畀佢都好过搞人老公嘛！

 

其他文章：

星8卦丨「气质」「混血」太穷被逼分开 痴恋「专业」骗财骗色以为执到

星8卦丨「姐姐」 一早食咗「俊俊」 安排认爱形象正面长做长有

星8卦丨「木面」靠「俊哥」射住任驶钱 「富豪」割席自保被逼再出山

星8卦丨「阿太」搵错「三寸钉」玩失踪唔合作 下封杀令终于蒲头

星8卦丨「倒𥄫」情场多波折 贴钱打本益「番鬼」以为有得嫁