星8卦丨「阿太」搵错「三寸钉」玩失踪唔合作 下封杀令终于蒲头

呢个世界唔系人人都识衰过一次就知悔改，好似「三寸钉」又有下文嘞。呢排大家见佢又可以喺唔同地方出现，睇嚟已经松绑，毕竟有啲人气嘛，帮手搵钱跑数嘛！「阿太」唔觉意见到佢嘅演出，见身高又唔差太多，所以主动搵经理人话请佢做男主角， 侧边啲人都话佢大胆，呢条仔唔简单㗎！

相关阅读：星8卦丨「倒𥄫」情场多波折 贴钱打本益「番鬼」以为有得嫁\'

虽然佢有好好地咁完成工作，先唔讲「三寸钉」做得好唔好，但就喺后期好多工作要配合，「三寸钉」只出过嚟 一次，觉得已经完成责任，之后直情唔覆电话，连经理人都搵佢唔到。「阿太」初时都由得佢， 但出嚟成绩唔太理想，于是发烂渣，亲自留言，话如果再唔蒲头，一定用方法封佢盘。

「三寸钉」难得可以返嚟，唔使再离乡别井，尽情媾女、尽情玩不良嗜好，呢段时间唔见人就系过咗隔离埠，玩到唔知日唔知夜，不知几开心。终于喺「阿太」嘅严重警告之下，「三寸钉」乖乖地好有礼貌咁同「阿太」讲最近有啲感情问题，所以意志消沉喎，「阿太」信你都傻，虽然后悔，但都要完成埋成件事好头好尾吖嘛！

其他文章：

星8卦丨「四方面」割价霸住做大场第一个 威畀前度心魔放唔低

星8卦丨 「扮劲」狗眼睇唔起人 教仔搵有钱人做朋友 穷人咪埋身

星8卦丨「勇仔」后生捱坏身体 频频大病连累蚀大本坐冷板

星8卦丨「大仔」爱姐姐「阿妈」经济封锁 老窦出手支持帮「大仔」继续爱

星8卦丨「乖巧」人前人后两个样 埋怨公司推job错失攞奖机会

星8卦丨「败家」痴迷「平凡」 「正室」靠老爷度桥捉奸保住头家