星8卦丨「姐姐」 一早食咗「俊俊」 安排认爱形象正面长做长有
2024-10-08 11:30 
全人类见到「俊俊」咁快畀「姐姐」收服个个都话嘥料。点解？因为「俊俊」高大靓仔有条件，傻里傻气好得到男男女女欢迎，而且唱得演得又可以畀人玩，绝对系未来一个可以成才嘅年轻人。但佢就好快自己封咗盘，公开有女朋友，初时大家又系尖叫声连连，哗！咁好仔，痴心情长剑呀，呢个年头认爱系会加分嘅！
相关阅读：星8卦丨「木面」靠「俊哥」射住任驶钱 「富豪」割席自保被逼再出山
虽然大家都话「俊俊」见识少，入咗呢个大染缸唔到你咁痴情，大把花花草草任你采摘， 但「俊俊」 咁多年的确唔多受媾，因为连一夜情都畀「姐姐」𥄫到实，咁多年都系要喺屋企你一间房我一间房咁样相处，话方便照顾。
因为当初「俊俊」系「姐姐」嘅学生，对「俊俊」好到似阿妈，虽然大几年，「俊俊」青春期都好鬼生猛，所以两个人共处一室耐咗，感情唔再系一般师生关系，而「俊俊」入行亦系「姐姐」一手一脚帮忙，人就系烦啲，但对「俊俊」嚟讲系最大利益得着嘅人，所以佢系 由得「姐姐」做霸王鸡乸，自己永远系好人角色。
至于一早认爱亦系「俊俊」嘅真心，因为横掂飞唔出呢个女人掌心，不如自己再加下分啦， 令到侧边啲女人恨下又何妨，总之形象正面就唔惊无得捞！
其他文章：
星8卦丨「阿太」搵错「三寸钉」玩失踪唔合作 下封杀令终于蒲头
關鍵字
最新回应