ANSONBEAN回母校拍新歌MV 太投入险拉伤Cloud 提及女友即变「面红豆」

ANSONBEAN最近推出新歌《IMPATIENT》，有份参与作曲填词的他，希望藉着歌曲，吁大家放下不必要的规则和包袱。他重返母校圣士提反书院拍摄MV，并邀请云浩影（Cloud）担任女主角。当被问到为何不邀请女友张天颖（Jaime）参演时，ANSONBEAN顿时怕羞面红口窒，非常搞笑。

MV故事讲述饰演绑匪的ANSONBEAN与同伴们冲入博物馆抢劫宝物，期间遇上导赏员Cloud，更被对方深深吸引，他最终决定放弃宝物并夺走Cloud。ANSONBEAN说：「我搵Cloud做女主角系因为我要一个靓，有仙气嘅女仔，所以佢系Perfect。」Cloud问道：「做咩唔搵女朋友嘅？」ANSONBEAN不懂反应呆了数秒，Cloud追问：「公开但低调？」他面红红害羞地笑说：「低调，系罗，低调。」

ANSONBEAN在后楼梯一手拉走Cloud，但因力度太大令对方差点撞落防火门。

MV故事讲述饰演绑匪的ANSONBEAN，遇上导赏员Cloud。

ANSONBEAN捉住Cloud走来走去。

ANSONBEAN说今次要一个靓及有仙气的女仔，Cloud就Perfect。

ANSONBEAN大赞Cloud的演出满分。

二人都紧张看playback，看看自己表现如何。

MV中的ANSONBEAN揸枪与同伴们冲入博物馆抢劫宝物。

Cloud在ANSONBEAN背后扮女枪手。

其中一幕，ANSONBEAN在后楼梯一手拉走Cloud，但因太入戏、力度太大令对方撞落防火门，Cloud吓得大叫并笑说：「我差啲成个飞咗落去。」工作人员再三提醒ANSONBEAN要温柔一点，全场爆笑。Cloud回忆说：「佢好似圆形中心，我就好似抛物线咁飞落度门『嘭』一声。我惊到嗌咗出嚟，但嗰Take系最真实，佢好入戏就用咗男仔嘅力掹我，我有少少受伤。后来我叫佢温柔啲，佢收返啲力度就好顺利。」ANSONBEAN随即向Cloud道歉，说：「我挂住做绑匪唔记得你着住高踭鞋，嗰下扯得大力咗，唔好意思。」

拍摄期间，ANSONBEAN一时用枪指着Cloud的面，一时用手捉着她的头，还差点将对方拉跌，排舞师梁业（肥仔）心痛表示：「我真系戥阿Cloud肉赤！」他更大赞Cloud的演出满分，说：「惊恐得嚟又要做啲甜美嘅效果，我系男仔睇到都觉得导演Very Good，呢个角色搵得好好。」

之后转到一个空旷的室内场地继续拍摄。

被问到为何不邀请女友张天颖参演时，ANSONBEAN顿时怕羞面红口窒。

ANSONBEAN赞Cloud惊恐得嚟又要做啲甜美效果。

梁业（肥仔）为今次MV担任排舞师。

ANSONBEAN对梁业赞不绝口，更表示一直很欣赏对方。

对于排舞师肥仔，ANSONBEAN赞不绝口，更表示一直很欣赏对方，他说：「佢排嘅舞好有记忆点同埋好好睇。」肥仔搞笑扮质问他：「点解咁迟先搵我？！」ANSONBEAN解释未遇到适合project又笑指肥仔忙拍戏。然后肥仔转移追问Cloud为何今次MV不跳舞？Cloud立即指住ANSONBEAN，说：「佢冇邀请我罗！」ANSONBEAN反问肥仔：「点解你唔排佢（Cloud）嘅跳舞部分？」肥仔反驳：「你都冇叫我排，我跟Order做嘢。（Cloud：我都系。）最衰系佢（指着ANSONBEAN）。」ANSONBEAN扮无奈，笑说：「最衰系我！系我！」三人搞笑互窒，非常有趣。

 

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ