疑慢人一步痛失靓位 长发女西铁车厢内开火与婆婆争位 网民两边都唔帮｜Juicy叮

网上近日流传一段长发女在西铁车厢内与长者争位坐的片段。片中女子对著两老开火，情绪激动得连和事佬也不放过，怒喊「霸位都唔系咁霸啦，系咪呀」、「唔系坐嘅问题，佢好老咩！」。

结果引来车厢乘客的目光与看不过眼乘客的非议，乘客们没好气地以一句「同佢讲都嘥气」作结。短片在网上流传后，惹来网民食花生，有人却两边都唔帮......

长发女车厢内与长者争位逐格睇↓↓↓↓＋ 双方精彩对答节录↓↓↓↓

从短片对答得知，双方差不多时间进入车厢，但长发女可能慢人一步，看中的座位被早著先机的婆婆占去，情绪于是变得激动而破口大骂。

长发女：你行过嚟就坐喺呢度，你仲（霸埋隔篱位）。网上截图

长发女：我觉得佢咁样做嘅做法系唔啱。网上截图

婆婆：霸乜嘢呀，你到我又到吖麻。网上截图

长发女：我唔需要坐，但系你咁样唔啱，我已经行到嗰度喇，佢呢嚟霸位。网上截图

长发女：我唔系坐嘅问题，你有冇听我讲到嘢呀。网上截图

伯伯：我哋几十岁，你真系，你呢啲后生女真系。网上截图

精彩对答节录如下↓↓↓↓

（短片开始时）长发女：你行过嚟就坐喺呢度，你仲（霸埋隔篱位）
婆婆：呢度我入嚟坐喺呢度
伯伯：俾你坐啦做咩啫
长发女（指著婆婆）：唔系坐嘅问题，系你咁样就系唔啱
婆婆：乜嘢叫唔啱呀，你行过嚟，我又系行过嚟
长发女：你系度拦住

和事佬一：坐一阵啫嘛，畀你坐，畀你坐
长发女：我觉得佢咁样做嘅做法系唔啱
伯伯：我哋大家一齐到㗎
长发女：唔系，我嚟到呢度，佢霸个位俾你，你咁样唔啱

乘客：你咁大声
长发女：霸位都唔系咁霸啦，系咪呀
婆婆：霸乜嘢呀，你到我又到吖麻
和事佬二：靓女，你都让下80几岁嘅人啦，让下老人家啦后生女

和事佬三：我俾我个位你坐
长发女：我唔需要坐，但系你咁样唔啱，我已经行到嗰度喇，佢呢嚟霸位
婆婆：你行到嚟，我真系行到嚟

长发女：我唔系坐嘅问题，你有冇听我讲到嘢呀，佢好老咩，佢几多岁呀
乘客：唔好理啦，同佢讲都嘥气啦
长发女：你80岁呀你

伯伯：我哋几十岁，你真系，你呢啲后生女真系，无啲咩嘅
婆婆：我「得」咗落去先啫，佢又话佢到先

婆婆：打横吖你呀......你越恶我就越唔起身
长发女：我唔需要你起身，我系因为你系咁样系唔啱
婆婆：报警吖......

长发女车厢内与长者争位逐格睇↓↓↓↓＋ 网民食花生回应↓↓↓↓

网上流传一段长发女在西铁车厢内，与长者争位坐的片段。网上截图

长发女对著两老开火。网上截图

长发女：唔系坐嘅问题，系你咁样就系唔啱。网上截图

事件引来车厢其他乘客的目光。网上截图

和事佬：坐一阵啫嘛，畀你坐，畀你坐。网上截图

网民重申尊老爱幼 传统美德

双方由天水围站一路吵至朗屏站，最终长发女站于两位长者的座椅旁，短片就此作结。回应的网民一人一句大吃花生。有网民看过短片后理顺情景，指「相信是女人到先准备坐时阿婆突然急步摄下坐」，于是引起网民热议「倚老卖老」这点。

有人指「我睇到一些留言，但系我想讲一句：唔好倚老卖老，做人嘅嘢，贵乎大家互相尊重」、「让老人家应该的......但又真系好多老人争位冲埋去，两边都唔帮」。不过，有人始终重申敬老美德，指「尊老爱幼，传统美德」，「边个啱，边个唔啱都好，后生仔敬老，让下人哋都好应该！」。

另有人批评长发女在车厢内指骂「一点教育全无」、「坐少阵会死咩！」，因而估计她可能「只是想骂人而已，听，她说：我唔系要坐。莫名其妙」。

长发女车厢内与长者争位逐格睇↓↓↓↓＋ 网民食花生回应↓↓↓↓

疑慢人一步痛失靓位 长发女西铁车厢内开火与婆婆争位 网民两边都唔帮 ​

长发女：我觉得佢咁样做嘅做法系唔啱。网上截图

和事佬：你都让下80几岁嘅。网上截图

伯伯：我哋几十岁，你真系，你呢啲后生女真系。网上截图

短片就此结束。网上截图

与车厢有关相关新闻：

车厢MMA｜粉裙赤脚女平底鞋连扑黑衣汉 乘客劝架险中招

车厢MMA｜粉裙赤脚女平底鞋连扑黑衣汉 乘客劝架险中招

港铁太和站MMA｜貌似「吴卓羲」黑衣男车厢大混战 对手全程任打 竟靠一招反胜

港铁太和站MMA｜貌似「吴卓羲」黑衣男车厢大混战 对手全程任打 竟靠一招反胜

港铁MMA现怪招 狠妇「动口」死咬大妈 4大汉扯唔开猛嗌

港铁MMA现怪招 狠妇「动口」死咬大妈 4大汉扯唔开猛嗌

----

《星岛头条》APP经已推出最新版本，请立即更新，浏览更精彩内容：https://bit.ly/3yLrg