独家丨卢庆辉自揭当年挞著梅姐真相劲尴尬公开唔识老秘诀澄清未够55岁

2023-11-15 07:00

已移居内地的卢庆辉（Marco）凭客串TVB剧集《香港人在北京》翻Hit，观众大赞年过50的Marco好有型，仲话好挂住《真情》的靓仔医生「唐立生」。淡出娱圈十多年的Marco好好倾，讲起曾跟张国荣合作非常兴奋，提到被赞保养得宜又笑唔停，更公开Keep Young秘诀，甚至问到当年突然唔捞，更自爆真相，原来跟已故天后梅艳芳有关。采访：方骞平

中佬型男卢庆辉唔愿透露真实年龄，只强调少于55岁。

到底真实年纪系几多？卢庆辉话要保密。

卢庆辉北上发展从商传身家逾亿。

卢庆辉𠵱家主力从商，在北京及广东省都有制造业、食品、蔬菜及房地产生意。

在《香港人在北京》中卢庆辉饰演霸气CEO，恶斗「视帝」陈展鹏，演得七情上面，观众系咁畀Like。Marco多谢香港观众冇忘记佢，至于会否乘势再拍港剧？Marco直言对演戏仲有兴趣，但𠵱家主力从商，在北京及广东省都有制造业、食品、蔬菜及房地产生意，要暂放低生意回港拍剧，首要有好剧本，亦要分配好时间。

长居北京嘅Marco冇乜留意香港娱圈，但大赞跟陈展鹏及吴若希合作好有火花。

同视帝陈展鹏斗戏。

呢场戏好有火花。

吴若希跟偶像卢庆辉演对手戏时内心其实好紧张。

卢庆辉在内地从商多年。

生意越做越大。

家燕姐带挈处男登台

2017年，Marco出山拍TVB剧《赌城群英会》，讲到最深印象剧集必定是1996年的《真情》，「作为一个新人，可以同咁多老戏骨如家燕姐(薛家燕)、司棋姐(李司棋)、虾叔(关海山)、丹爷(刘丹)等合作，真系学到好多嘢，最难忘有场要讲3页纸对白，我惊到系咁NG，虾叔不但冇怪责我，反而教我『唔使惊，只要闭眼去投入角色，啲对白一下子就会出嚟！』果然一Take过ok。」Marco更激赞戏中妈妈薛家燕好有爱：「佢真系好好，成日带埋演员去登台搵真银，我处男登台系去云顶，都系由家燕妈妈带挈，当时对住8000观众唱歌惊到脚震，不过越唱越high，返入后台要求家燕姐畀我唱多首。」

2017年Marco出山剧作系TVB嘅《赌城群英会》，演大奸角梁sir。

1999年演出最后一集《真情》，家燕妈妈喊住揽实卢庆辉。

拍《真情》期间，卢庆辉跟彭子晴戏假情真。

当年《真情》演员有唔少出外搵真银机会。

家燕姐好照顾《真情》演员。

张国荣好Nice撩倾偈

另外，官仔骨骨的卢庆辉曾跟已故巨星梅艳芳及张国荣(哥哥)合作：「1993年做model时，同哥哥拍过汽水广告，我系其中一位工人，虽然小角色，但休息期间哥哥好nice，主动跟我交谈，好奇追问我身高？系咪有心做呢行？哗！super star同我倾偈，既惊又喜呀。」至于1997年获梅姐钦点演出她的《音乐特辑之三誓盟》传出绯闻，Marco当年被指自编自导，当事人讲返件事都劲尴尬：「唉！传到乱晒笼！呢个圈好多时会乱传。」他即还原真相：「冇㗎，佢(梅姐)系大姐姐，搵我拍嘢梗开心啦，可以同偶像近距离接触喎，一班人只系走埋一齐研究点拍，拍完咪走罗，之后都冇再联络。」

1997年，卢庆辉担任《梅艳芳音乐特辑之三誓盟》男主角。

音乐特辑中饰演一对。

特辑在日本取景。

Edit media 两人有瞓埋一齐嘅床戏。。

卢庆辉及陈子聪担任《梅艳芳音乐特辑之三誓盟》男主角，故事讲述3人的3段宿世姻缘。

当年曾跟张国荣拍过汽水广告。

Marco坦言同偶像传绯闻唔开心，因为「假嘅嘢系唔应该嘅，所以好难受。」加上当年他有好多负面新闻，如2000年于澳门disco与有势力人士争执，遇袭毁容。Marco坦言父母系传统潮洲人，兄与嫂及两个胞姐均任职银行，所以见自己年纪唔细，无谓令家人担心，故渐渐淡出及转行。

2000年，卢庆辉于澳门disco与有势力人士争执，眉心位置缝咗20针。

年龄你话几多就几多

Marco对于当日决定零后悔：「人生走嘅每段路，上天冥冥中有指引，好坏都好系成长必经阶段，好嘅要坚持；否则要反思，漫长人生都要继续行落去，所以啲人赞我咁多年都Keep得好，零走样，其实除咗唔食太多，多郁动外，心态亦要开心啲。」已婚13年及育有9岁儿子的Marco形容目前生活得好好，又带笑澄清，真实年龄少于55岁，出生年份亦非1968年，至于实际年龄？「哈！年龄只系数字！大家话几多咪几多罗，话我80岁都冇问题，阿伦够话自己年年25啦。」