星8卦｜「番妹」「巴佬」痴恋多年做得成夫妻全靠前妻助攻三人世界好融洽

2023-11-14 11:00

呢个世界就系咁，得唔到就恨，得到又未必好。讲嘅系「番妹」同「巴佬」呢段姻缘。当日「番妹」做过江龙，第一次合作就系同「巴佬」，对方鬼鬼哋又系专业人士，所以好啱嘴型，而且「巴佬」床上功夫一流，令到「番妹」要生要死一直都无办法斩断情缘。

「巴佬」个老婆「强人」对自己老公嘅事业睇得好实，可以话当日系外国返嚟捞极都唔掂，「强人」用尽喺呢行嘅人面，逐步逐级咁帮「巴佬」上咗神级位置。「番妹」就系「强人」拣嚟帮「巴佬」一把嘅妹妹仔，点知两个人气味相投，「强人」预咗「巴佬」花心，但知道无咗自己等同无咗事业，一定将佢封杀，所以用放风筝心态去御夫。

「番妹」如是者同「强人」行埋有几年时间，爱到难舍难离，「强人」终于见到危机，自己去同「番妹」摊牌，何必为一个无结果嘅男人误咗将来。最劲系佢帮「番妹」搵到几个鬼鬼哋嘅男朋友，其中一啲仲系有钱仔，话希望佢可以好好相处，搵到啱嘅人就去发展，果然「番妹」同「太子爷」一拍即合，「巴佬」当然无意见，因为知道系老婆帮自己做紧嘢。

咁多年之后，「巴佬」同「番妹」做得成夫妻，但大家同「强人」依然有来往，「番妹」仲同「强人」对仔女好好感情，「强人」有乜事都搵「番妹」商量，做咗金兰姊妹。