独家丨吴若希想做谐星视麦美恩为劲敌自知冇身材首做台庆剧女一卖搞笑

2023-10-30 07:00

吴若希(Jinny)于TVB台庆剧《香港人在北京》中以夸张手法演绎投资失败嘅跟得老婆Helen，跟陈展鹏搞笑互动，观众好锺意系咁畀Like。入行13年的Jinny曾跟菊梓乔为争做「星梦一姐」恶斗多年，𠵱家菊梓乔事业滞后；Jinny既有幸福家庭又重新上位做女主角，从来都话斗长命，Jinny风骚坦言傻人有傻福，好彩多过努力。采访：方骞平摄影：钱文坤

演喜剧系吴若希心愿。

吴若希本身好有幽默感。

Jinny好锺意睇喜剧。

Jinny事业与家庭都好如意。

Jinny新剧有唔少发挥。

剧中吴若希充份发挥喜感，有唔少笑位。原来Jinny喺周星驰及苑琼丹身上偷师：「陀B时训唔著最锺意翻煲周星驰嘅《算死草》、《九品芝麻官》…尤其锺意睇星爷同苑琼丹对闹场口，苑琼丹可以一轮嘴讲对白，好犀利。」

剧中吴若希有唔少笑位。

剧中跟戴祖仪合组「姑嫂合唱团」。

陈展鹏跟吴若希有默契。

Jinny喺周星驰及苑琼丹身上偷师

爆老公锺意平胸

Jinny靠搞笑演出争一席位：「我唔敢渴求做苑琼丹接班人，暂时我做谐星嘅最大劲敌系好姊妹麦美恩，佢转数好快；我胜在够蠢成日闹笑话俾人笑，而且拥有佢冇嘅长腿。」剧中Jinny着吊带背心睡裙晒长腿「生擒」老公陈展鹏，见她身材欠奉！她笑说：「现实中我老公何兆鸿就系锺意我咁(平胸)，我隆胸佢唔会Like，而且佢都排骨咁有乜资格嫌弃我。」

剧中Jinny穿性感睡裙大晒42寸招牌长腿。

色诱老公陈展鹏。

吴若希色诱老公场口都好搞笑。

上演咀嘴戏。

吴若希强调老公唔介意她平胸。

Jinny唔止有事业仲有幸福家庭。

吴若希想做谐星视麦美恩为劲敌。

Jinny对于首做女一零压力，因为演员「人脚」好，对手能带住她演出，角色又似做返自己，最开心可以跟儿时偶像梁汉文(Edmond)及卢庆辉合作，31岁的她更自爆童年回忆，读小六时上网下载 Edmond嘅《七友》；2001年又晚晚追睇《封神榜》，见卢庆辉饰演嘅「伯邑考」被「妲己」温碧霞杀害，再搓成兔肉丸献畀纣王就好惊：「我知佢𠵱家在生好安全，经已好安心喇。」另外，Jinny承认自己好运，就算点任性，突然要结婚生仔都继续有机会，强调从冇执著做「星梦一姐」，反而enjoy目前拥有嘅嘢。