独家丨亨仔 Tsoul「做工佬」齐搞旺个市 《造星V》囝囝开FM共收逾8万入场费

《全民造星V》播毕后，囝囝们已轮住搞Fans Meeting，本周日（10日）可能系好日，亨仔（陈镇亨）、Tsoul（田曜诚）及「做工佬」Ritchie齐拣当日举行FM，合共有320人出席，Fans共奉献87,200元入场费，加埋Book场、布置、纪念品、仲有购入大量礼物送畀偶像，人人快乐地促进社会经济，要搞旺个市其实唔难。三位幸福的偶像都相当兴奋，首次举行FM的亨仔和Tsou赞好Fans搞活动有心思，最开心粉丝撑自己之馀仲做埋朋友。「做工佬」山长水远来港搞FM兼出Show，留港一周Keep住审计工作Work From HK仲撞正百年一遇的极端天气，差啲返唔到酒店，超难忘。采访：廖思慧、杜杜

一向易喊的亨仔当日冇喊过，3小时的活动有好多难忘的感动位。

问Tsoul开FM感受，佢不断讲感恩和感激，又指活动内容虽然简单，但好温馨。

Ritchie称最伤脑筋应该系搵适合嘅场地，同埋申请大馆嘅整个过程，「大馆好严，唔容易申请。」

亨仔的FM由Book场、设计门票到制作纪念品都由fans筹办，所以到场时好惊喜，单是场地已令他好感触，「行入去已打咗个突，就系参加大专赛嗰度，谂返之前畀咗几百蚊报名费，但第一round都入唔到，哈哈！𠵱家竟然有咁多Honey（粉丝昵称）听我唱歌，算系踏出成功嘅第1步，好感恩。」另外亨仔亦邀请了《造星V》兄弟Tiger Foo、Anson Wong和 Kim任嘉宾。

 

首个FM令亨仔相当难忘。

亨仔邀请兄弟做嘉宾，「冇骚钱，哈哈！真系好感激佢哋。」

亨仔邀请了好兄弟Anson Wong做嘉宾。

亨仔大赞fans整个活动安排得好好，纪念品亦整得好靓。

亨仔锺意收信

当日有100位fans出席，每人250元包饮品兼有手绳及Tote Bag礼品包，亨仔开心出席者好多都熟口熟面，「有啲Honey真系每次都嚟，咁锺意我好感恩，冇Honey就冇我，希望迟啲搞音乐会回馈返佢哋，亦感激admin，souvenir同布置都整得好靓，真系好有心机。」当日亨仔戴住fans整的手带又着住fans送的袜出席，对Honey亲手整礼物给他表示感激，又称收信已好开心，「唔想大家使咁多钱整嘢或者买嘢畀我，畀信同我倾偈好过，写字唔使钱，系无价。」

 

亨仔玩游戏时笑得好开心。

亨仔家人及女友都有出席，「我老窦（右一）上台影相，好似总统选举咁挥手，真系笑咗，feel到佢好enjoy，哈哈！」

亨仔在FM跟Honey逐个倾偈，已认到样，但记名要花啲时间。

每位参加FM的Honey都会收到手绳加Tote Bag的纪念品。

亨仔戴住Honey整的靓手带。

FM纪念品之一的手带刻有HJ HONEY字句。

设计好精美的门票。

亨仔著住Honey送的袜仔。

应援物超靓，包括结他PICK鍊。

第一次FM纪念牌。

前有相后有字非常有心思。

仲有大量靓靓印刷品包括年历。

 

 

Tsoul加油纸条

Tsoul的FM冇嘉宾，纯跟Soulmate（粉丝名称）倾偈玩游戏，「希望大家打成一片，所以呢个系friend\'s meeting，第1次搞已经出席嘅真系我朋友，fans因为锺意我成为共同话题，仲做埋朋友，真系好神奇。」

有份参与筹备FM的Tsoul，没有经验下觉得相当困难。

Tsoul承诺下次FM一定会准备表演。

心情兴奋的Tsoul，不时有趣怪表情出现。

FM被称为社恐集会，Tsoul解释：「锺意我嘅有部份比较内敛，加上大家第1次有啲紧张，纯粹讲笑啫！」

虽然收费300元的FM冇表演睇，但Tsoul会跟30位Soulmate玩游戏玩足2个钟，亦准备了很多有心思的礼物用来抽奬，「我买咗5份小礼物，系我锺意嘅零食，另外仲有5份，分别有两份我锺意嘅星之卡比公仔；由细到大都锺意嘅超人迪加公仔，佢代表光，好适合呢个世代，提醒佢哋自己都可以成为光；另外仲有打气意味嘅画；最后系复活岛摩艾石像嘅加湿器，哈哈！呢个实用少少，礼物仲附有我写嘅加油字条，希望帮大家打气。」

FM Promo好可爱。

Tsoul跟Fans不断倾偈及合照，近距离接触满足他们要求。

因party room限人数，只能安排30名soulmate出席FM，Tsoul承诺会再搞。

Tsoul好勤力签名，做功课一样。

Tsoul亲自选购礼物送fans，还加上心意便条好有心思。

Tsoul感激Admin冇经验仍努力筹办FM，见到印有自己个样嘅纸巾觉得好匪夷所思。

好靓嘅应援物。

做工佬超锡Fans

Ritchie第二次搞的FM叫放映会，自弹自唱之馀，仲同190名工友（Fans昵称）齐睇7月举行的首个FM精彩片段，全程3小时，盛惠280元，好抵玩。另外，为争取更多时间同工友互动及影相，所以冇请嘉宾。问到工友点解拎住「迟」字牌影大合照，做工佬笑言，「Ritchie个 chie 同 『迟』 读音一样，所以就想有个『迟』 字牌，外人见到会好奇点解咁多『 迟迟迟』。」做工佬留港一周撞正百年一遇的极端天气，「FM前黑雨，我哋练歌练到一半，突然有人好紧张咁敲门。出去睇原来成层楼已经开始水浸。所以我哋停咗练歌，之后一直睇新闻，睇吓要点离开。」除了练歌的Band房水浸，当晚冇巴士冇港铁，要由新蒲岗的Band房返回湾仔的酒店好难搞，好彩有工友，「佢哋帮我call到车，仲教司机经西隧返酒店。」

Ritchie当日唱咗好多歌，包括《下雨天》及《Always Remember Us This Way》等。

做工佬话:「根据工友上一次FM嘅回应，好多人都锺意听 《下雨天》，所以当场又唱咗一次。」

Ritchie觉得迟字牌又chill又搞笑，好适合pantry (Fan Club名称)。 工友的确健谈又Funny，话题超多，寻日喺TG Group讨论薯片，认同热浪最好食。

做工佬FM后感:「今次系觉得特别感动，感恩和欣慰，有咁多支持我的人，同埋好多好可靠嘅人在我身边帮我，与我一起解决问题，度过难关。」

呢张相好似有声咁。

FM有睇片环节，可以同190名工友睇返第一次 FM 嘅精彩片段，Ritchie觉得好感动。

相中是7月的FM片段。

问做工佬当日Rundown，佢话:「一个钟放映，一个钟唱歌/互动/聊天及一个钟跟粉丝 photo time。」

水侵Band房楼层。

黑雨下彩排。

多得工友帮忙，做工佬及Jason Loi等先可以平安离开返酒店。

FM前一日，做工佬出席水上乐园举行的《TrendyToo SPLASH!》。

 

FM除有女工亦有男工参与，Ritchie笑言唔算预料之外，因为佢都有好多男偶像，叫佢讲三个男偶像名称佢话太少要讲够五个「好似林宥嘉、Bruno Mars、Taeyang、林俊杰及方大同等等，希望未来可以用歌声和实力去吸引更多真心欣赏我音乐嘅fans。」

全力写歌和筹备新歌MV出炉的Ritchie对完成第二个FM特别感恩，「因为有好多支持我嘅人，同好可靠嘅人帮我。」

年纪最小的小工友Hailey揽住做工佬，「上次喺太古坊 busking 已经见过一次，好得意，印象好深刻，同埋佢自己画的 fan letter 都超有心。上次两日嘅 FM佢都嚟唔到，所以今次见到佢我真系好 surprise 同开心。」

做工佬筹备FM超过一个月。

在FM收到好多信。

亦收到好多礼物。

工头好开心好感恩。

 

《星岛头条》新网站有更多精彩内容：http://www.stheadline.com/